Guiando homber & muher pa un bida mas fit
Esimpel hecho di tabata un mucha activo den deporte desde su cinco aña caba ta duna un indicacion con profundo e amor a deporte ta serca Stacey Hassel (37) awendia. “Mi a hasi Boxing pa un aña, Teakwondo pa 2 y Karate pa 7 aña. Pa loke ta e deporte di Muay Thay, mi ta haciendo esaki desde cu mi tin 11 aña te cu awor ainda. Awendia e mucha homber a crece y bira un adulto no djis dominando e area di deporte, sino dunando guia como un entrenador, na tanto homber y muher.
1. XCL: Bo ta ripara un cambio pa loke a ‘excercising mentality’ awor na Aruba?
Stacy: Si e ultimo añanan hende a bira mas consiente pa loke ta training y ta purba na hiba un bida saludabel.
2. XCL: Pakico un hende lo mester un personal trainer?
Stacy: Pa yudanan jega na nan meta na un manera adecua bou di un bon guia. Tambe pa e experencia y motivacion y e extra push c’un personal trainer por duna bo.
3. XCL: Entrenamento ta un actividad caro?
Stacy: No e no mester ta un actividad caro. Si bo tin poco conocemento di loke ta entrenamento bo por train unda cu ta y no necesariamente den un gym luhoso of cu ekiponan luhoso.
4. XCL: Tin hopi papia riba substancianan uza ora cu ta train, con esaki ta na Aruba?
Stacy: Tin diferente substancianan cu ta keda uza durante training cu por yudabo yega na bo metanan na un manera apropia di cual esaki bo por haya na cualkier Nutrition Center. Pero berdad ta tambe cu tin substancianan cu no ta legal y tin su consecuencianan cu tempo riba bo curpa di cual hende sa haci uso di dje, por ehempel steroids.
5. XCL: Con importante cuminda ta na momento cu bo ta train?
Stacy: Cuminda ta e parti mas importante di bo training.
6. XCL: Kico ta e foutnan cu hende ta keda haci ora di train cu no ta duna resultado segun bo?
Stacy: Nan no t sigi un guia di nutricion di training adecua pa cu nan bodytype.
7. XCL: Kico a pone bo kies pa bira un personal trainer?
Stacy: Tempo mi ta mas activo den competencia den mi deporte Muay Thai mi Strenght & Conditioning Coach a bai biba afo. Na e momento ey mi a dicidi di bai sigui estduio den e direccion ey pa por a yuda y guia mi mes cu mi trainingnan y mi preparacionan pa competencia.
8. XCL: Ki tipo di persona bo ta kere cu lo mester abo mane su personal trainer?
Stacy: Un persona cu tin un meta su dilanti cu ta determina pa jega na esaki y cu ta willing pa adapta su estilo di bida na uno mas saludabel pa por realisa esaki.
9. XCL: Cua ta bo rutina di tur dia?
Stacy: Mi dia ta start 4.30 am. Mi ta presente na A+ Sports Performance for di 5 am activo cu personal training of cu small group training te cu 8 am. Despues mi ta tuma 1 ora p’ami bai core. Mi ta purba core por lo menos 5km tur dia como mi cardio. Despues mi ta activo atrobe cu personal training y small group training te cu 12’or pm. Despues di esaki mi ta tuma tempo pa mi haci 1 ora di Strenght & Conditioning Training. Depues mi ta lunch y rest. Pa 4’or mi ta activo atrobe cu personal training te cu 7or pm. Despues mi tin Muay Thai/Kickboxing di cual mi tambe ta tuma parti di e training pa train mi techniek y sparing. Pa 9’or di anochi trainingnan a caba y mi ta rumbo pa cas pa bolbe pa mi siguiente dia.
10. XCL: Kico ta e beneficio di kick boxing?
Stacy: E ta un di e miho manera nan y mas lihe pa perde peso, kima caloria y vet, slim bo cintura y hasi barica plaat. Pa crea musculo y forsa y tonifica bo curpa tur esaki nan na mes momento.
11. XCL: Kick boxing ta pa tur hender y muher?
Stacy: Si, e ta pa tur hende e no conoce edad.
12. XCL: Si bo lo por duna un conseho so over di nutricion kico e lo ta?
Stacy: Mi lo bisa pa nan siña come na ora y atrobe balansa y saludabel.
13. XCL: Bo ta personal trainer so of bo ta train personanan cu ta preparando pa un competencia?
Stacy: Mi ta entre otro un Personal trainer, un Strenght & Conditioning Coach, un Sports Performance Coach, Functional Trainer Coach, Group class trainer, Muay Thai Trainer, Muay Thai fitness Trainer y asina mi por sigi. Si mi ta prepara diferente athleta den differente deporte pa nan competencia.
14. XCL: Bo tin un conseho pa personan eyfo cu lo kier bira un personal trainer?
Stacy: Si mi conseho pa nan ta pa no bira un Personal Trainer si bo no tine como un pasion pa yuda hende yega nan meta. Hopi hende ta bira of pretende di ta trainer just pa cobra e placa lubidando cu ta e salud y bienestar di e cliente nan ta na prome lugar.
15. XCL: Bo ta wak miho resultado teniendo un personal trainer cu si bo train pa bo mesun cuenta?
Stacy: Si y no, e ta keda na cada persona paso nos tur ta diferente. Tin cu tin poco conocemento di training y tin cu no. Pero semper e push y motivacion y guia corecto di un Personal Trainer por yudabo yega na bo resultado mas lihe door di nan experencia.
