Den tempo di crisis cosnan bunita y di inspiracion tambe ta haya bida. Esaki ta e caso tambe cu lansamento di e produccion local yama SPERANSA dia 15 di Juli, 2020 riba facebook di Povi-tree. Scirbi, dirigi y edita pa Levy Geerman, SPERANSA ta un produccion di e compania di Levy yama Povi-tree. Cu sosten di UNOCA via e programa di Unoca Cares, SPERANSA a bira un realidad y categorisa como un genero nobo y unico. SPERANSA ta un combinacion di spoken words pero combina cu muziek traha y composita na Aruba mes. SPERANSA tin un chorus den dje cual ta algo unico pa un “spoken words”. Pues e no ta un spoken word inspirational pero e ta net niet un cantica tampoco. Pues e mihor manera pa describie ta pa yame un spoken music (algo diferente y nobo).
SPERANSA ta un storia un storia cu ta hunga den 3 etapa di bida. Cada personahe den su etapa di bida ta enfrenta situacionnan dificil pero sa di persevera y sigui padilanti door di tene SPERANSA. “SPERANSA ta e anker di bo alma!” E storia ta keda conta pa Levy Geerman y segun e ta conta, por mira e storia bin na bida via e visualnan di e video.
PRODUCCION
E prome parti di e spoken music aki (6 min largo ongv) ta tuma parti den 1960, y pa esaki a dicidi di crea un filming set ‘from scratch’ como cu ora di traha un set nobo, tin e ventaha di por controla e luznan mihor. E filming set a keda transforma y usa pa filma diferente escena cu ta forma 70% di e produccion. Bandi di filmacion on set tabatin filmacionnan ‘on location’ tambe pa por ‘back up’ e storia di speransa den su totalidad. Banda di e reto manera recrea 1960( busca meubels cuadra etc bieuw, con e hendenan tabata bisti e tempo ey) e timeframe tambe tabata un reto hopi grandi. Tur esaki mester a pasa den un tempo di 30 dia. Den caso di SPERANSA por wak e den tempo di 3 siman como cu e prome 9 dianan tabata di luto en connecion cu deramento di padrastro di e director di SPERANSA Levy Geerman.
E meta principal di SPERANSA ta pa duna bek y pa duna SPERANSA den cua situacion cu bo por ta. Direccion di e musica di SPERANSA tabata na encargo di Emanuell Smith cu a traha cu e hoben talentoso Naomie Geerman pa e parti di vocals. E produccion aki no por a keda realisa sin e team dinamico cu a traha voluntariamente p’asina hunto, crea algo unico y inspirativo y duna SPERANSA aunke ta mustra tin biaha cu tur opcion a bay.
LEVY GEERMAN
Levy Geeman ta considera sumes un hende cu hopi pasion pa scirbi. E ta opera bou di e nomber Povi-tree cual ta un compania local cu a zorg pa crea contenidonan comercial diferente y innovativo. Asina por pensa riba e cadena di propagandanan chistoso di Retraco cu figuranan manera Buchi y Popchi pero tambe propagandanan manera Wendy’s, Subway, Gosa bida cu Jeon etc pa menciona algun.
Bandi di esaki tin e parti di semper duna bek na pueblo como e meta principal di Povi-tree. Povi-tree su nificacion ta PO-powerfull/positive VI-vision/visuals Tree-hendenan cu kier yega na dje. E forma di duna bek ta den videonan den forma di inspirationals, motivationals. Asina a crea videonan manera: Time, Proud Islander, Imagination is for everyone, Creatures of God, Dicidi, Different but the same y Dios su Tempo hunto cu Jeon (por wak esakinan riba youtube channel di Povi-tree).
SPERANSA - THE MOVIE
E meta ta pa traha un short movie di SPERANSA (30 min largo). “Nos ta convenci cu na Aruba tin hopi talento riba tereno di cinematografia, actuacion, musica etc. Tin hopi talento pa por crea algo positivo y di caliber halto. Por aporta y yuda na e meta di SPERANSA di bay na e siguiente paso esta crea e short movie mes. Por haci esaki den diferente forma. Tur hende por like comment y share pa yuda SPERANSA THE STORY yega serca tur hende. Tambe por aporta di cumpra bo t-shirt di SPERANSA. Por order bo t-shirt via 7355880 y lo deliver e gratis. Prijs pa t-shirt ta Afl 25,-.
Por sigui Povi-tree via su facebook http://www.facebook.com/povitree/ y nan canal di YouTube http://www.youtube.com/c/povitree
