Aruba Experience Cafe ta un cafe situa den un cas di cunucu cu e doño, Susanita La Bella, a restaura pa asina mantene e origen cultural aki. E nomber ta bisa tur cos, bishitando Aruba Experience Cafe bo ta sigura di un experiencia unico caminda cu bo lo por disfruta di un rato ameno den un ambiente cultural y tradicional. Aki bo por disfruta di un di e mihor croissant di Aruba pero tambe un kof e excelente. Susanita algun luna pasa a ricibi den su man e prome ‘batch’ di ‘Koffie e Preto’ cual ta un koffie e traha specialmente pa Aruba Experience Cafe. Pa Susanita, esaki ta un soño cu a bira realidad. El a soña cu e momento aki desde cu el a habri su portanan pa prome biaha na 2018.
Koffie preto tabatin su proceso caminda cu pa por a yega na escohe esaki, a dicidi di scohe prome 7 diferente koffie e di cual 4 tabata di Colombia y 3 di Guatemala.
Usando nan experticio den e area aki pero tambe teniendo na cuenta e pais di origen di cada participante, Susanita la Bella a invitanan pa haci un ‘tasting’ p’asina yega na e sabor cu lo bira e ‘Koffie Preto’. Tur participante a ricibi como informacion cu e koffie no por ta suave manera e koffie di Sur America, conoci pa nos como ‘awa di Lala’) pero tampoco e no por ta fuerte manera koffie di Europa. E importante den esaki tabata pa haña e balans corecto. Cu e informacion aki, e participantenan a purba 7 diferente koffie y koffie e number 3, un koffie cu a bin di e region di Pijao, Colombia, a bira e ganador cu mayoria voto, birando asina e tan busca ‘Aruba Experience Kof e Preto’.
E intencion di e prome ‘batch’ di ‘Koffie e Preto’ tabata pa uso exclusivo di Aruba Experience Cafe. Esaki nunca tabata intenciona pa benta. E prome ‘batch’ aki a bin cu eror gramatical mirando cu esaki tabata prome biaha cu Susanita a crea algo asina. E presentacion tambe no tabata cos di gaba y tabata hopi simpel y Susanita no a worry, paso su intencion no tabata pa bende esaki y tabata destina pa usa solamente den su cafe. Pero ta ora cu bishitantenan a purbe el a realisa cu e package ta lo di menos y cu ta e sabor ta conta. Asina Susanita a dicidi cu e lo cuminsa bende esaki pa esnan cu ta desea.
Susanita la Bella ta di opinion cu e industria di koffie e ta uno hopi interesante y prospero caminda cu e minimo distraccion por kita bo enfoke y tarda e proceso di e ‘business model’. E ta conta cu el a crea un negoshi cu ta refleha su mes y su balornan. Cu esaki, Susanita a dicidi di lansa ‘Aruba Experience Koffie e Preto’.
. Den añanan ’60, Aruba tabata riba lista di un di e exportador nan di koffie di mas grandi di mundo sin nunca a crece un solo bonchi di koffie aki na Aruba. E tempo ey Aruba a fungi como hub pa exporta esaki. Awe, e influencia di e regio di Norte America, Latino America y Europa, a haci cu Aruba Experience Cafe, cu Susanita como doño, a crea un koffie cu un ‘nth’ degree magnifico. Suave pero ‘full bodied’ cu ‘earthy y sweet bright notes’.
