2020 lo keda marca kisas como un di e añanan mas desafiante pa turismo mundial. Aruba siendo un di e paisnan mas afecta pa motibo di nos dependencia di turismo, mester a demostra mas cu nunca nos resiliencia pa bounce back y recupera di e golpi aki. Mas leu ainda, nos mester a demostra nos capacidad pa pensa diferente y reinventa cierto aspectonan di nos producto turistico den e “normal nobo”. Esaki no tabata un problema pa e CEO di Aruba Tourism Authority y e team di profesionalnan cu el a logra asembla rond di dje durante ultimo añanan.
Ronella su carera a conoce un desaroyo rapido, cuminsando na nos isla ruman cu ta Bonaire y despues aki na Aruba como e cara di nos industria turistico. Si 2020 a revela algo, sigur esaki ta ken tin e ‘backbone’ pa ta den e posicion cu nan ta. Definitivamente, Ronella ta na e lugar corecto.
