E storia ta uno sumamente intrigante: un imigrante biniendo di un pais grandi ta yega un isla chikito y ta namora y haci su bida eynan. Ademas di traha cas y lanta su yiu, e ta involucra su mes profundamente den e sociedad y ta ubica su mes como un escritor di columnanan sumamente entretenedor. Poco mas despues e ta bira co-editor di un di e revistanan mas exitoso pa turismo na Aruba y tambe ta drenta radiodifusion c’un programa estilo talkshow. Apesar di esaki, ta durante e pandemia mundial di COVID 19, unda su talento como escritor y observador politico ta pone su strea briya mas radiante cu nunca.
