E artista di Buleria, Rocco Franken, a dicidi pa bay live c’un video diferente na loke e ta custumbra di haci. E artista a expresa su frustracion y opinion riba e medidanan nobo cu ya a cuminsa keda anuncia despues cu gobierno a informa cu lo tin 5 caso nobo di transmishon local na Aruba. Rocco a reaccion riba e medidanan anuncia pa gobierno cu ta varios pero principalmente riba e parti unda ta bisa cu no mag di tin tocamento cual na su parecer ta afecta e industria di musica y tur loke ta su alrededor.
“Nos tin cu bay siña biba cu Covid-19”, Rocco a bisa den su video di un poco mas cu 10 minuut. E reglanan no ta bay kita e virus paso ainda no tin un solushon pa esaki. Laga nos biba. Loke nos tur mester haci ta percura pa nos sistema inmunologico ta bon”. E artista a manda e mensahe na gobernantenan y tur expertonan cu ta trahando pa loke ta trata decisionnan di maneho pa cu Covid-19 pa evalua e medidanan mihor cu ta afectando hopi hende den diferente forma.
E video a keda comparti pa hopi di su siguidornan y tambe pa otro medionan di comunicacion.
Aki por mira mas di e video di Rocco Franken haci dia 3 di Augustus 2020 via su pagina social riba facebook.
