E ta un di e caranan mas stima di Buleria y p’esey, un actontecimiento grandi den su bida semper ta hala atencion di su fanaticonan mas stima. Aña 2017 a habri c’u acontecimiento grandi pa Roderick ‘Rocco’ Franken ora cu, despues di un espera di 9 luna, el a bira tata di Zevi Lincoln Ronald Franken, yiu homber cu a nace di su union ya pa 2 aña caba cu Deanna Lampkin (23). Esaki ta di 2 yui pa Rocco, kende realmente a bira tata pa prome biaha cu 23 aña pero awor cu su 30 aña, e ta bisa cu e sentimiento ta uno diferente, mas madura, tanto mental como emocionalmente, e ta sinti’e mas prepara.
Ora ta bo mas hoben, aunke bo ta conciente kico e ta nifica cu bo ta bira un tata, toch mi no tabata prepara pa e transicion grandi aki”, e ta splica. Su prome yiu Melody Destiny Franken tin 7 aña y ta awe su adoracion cu a keda amplia awor c’un ruman mas. “Mi yiu muher ta loco cu su ruman chikito. M’a bise cu e tabata mi princes pero cu awor el a bira un reina cu nacimento di Zevi. E ta adora su ruman chikito y ta masha protehi di dje”, Rocco ta comparti cu nos.
Su pareha Dea, manera Rocco ta yame, a horta Rocco su curason desde e prome momento cu nan caminda a cruza. “Nos a conoce otro via un amigo mutuo y nos a ‘click’ mesora. Mi a gusta su manera di ta, su manera cu e ta ‘care’ pa tur cos rond di dje y su curason grandi y bunita cu e tin.
Un baby berdad no tabata den nos plannan pero e tabata un bunita sorpresa”. Rocco ta bisa cu e forma con Dea a lage sa cu e ta bira tata tabata hopi special. “Dea a pidimi pa nos topa. Nos a bay dinner unAa prome cu esey el a bisami cu e tin un regalo p’ami. El a dunami prome un buki – “Self-Improvement di John Maxwell”, despues el a dunami 3 Munch bar, cual e sa cu mi ta gusta y ultimo el a regalami un paña di baby cu tabatin e logo di Buleria dilanti y patras poni “#Baby Franken coming soon”.
E sensacion tabata uno di felicidad completo”. Y reaccion di e fanaticonan riba e anuncio di Rocco y Dea riba e noticia di nan baby na caminda a keda bon ricibi y awor cu e nacimento, e felicitacionnan no ta stop.
Dea ta bayendo Univerisad y Rocco ta ocupa cu su trabou den dia y anochi como musico. E ta conciente cu facil e no ta bay ta pero e sa cu hunto a lo logra. “Zevi ta un baby dushi, hopi hende ta bisa cu e ta parsemi pero mi mes no por wake ainda. Mi por wak su mannan ta parse dimi si, pero mi ta kere cu segun e crece, lo mi por define mihor’, un Rocco orguyoso ta conta. “Zevi ta un bendicion nobo y Dea cumi ta sinti nos mes, e mama y tata mas felis riba e mundo aki
