Un relato basta completo unda ta señala e atraccionnan cu ta resalta Aruba manera nos lama, nos hendenan, lama, hotelnan ta loke por lesa den e corant La Vanguardia. E rerportahe amplio cu potretnan di nos beachnan y tambe parke Arikok ta pone Aruba como un mihor opcion ariba otro islanan of destinacionnan mundial manera Maldivas, Bora Bora y Bahamas pa menciona algun.
E articulo ta resalta Aruba como un isla c’un sociedad multicultural y ta resalta e seguridad cu Aruba ta conta cune, cual ta un factor importante ora ta busca un destinacion pa viaha y disfruta di dje.
E serie di potretnan cu ta ilustra den e articulo ta cubri varios lugar bunita di Aruba, entrenan nan, nos centro di ciudad tambe.
Un articulo completo cu sigur ta duna un empuhe na e presencia di Aruba den Europa pa e mercado aki pone nos isla riba nan lista como un opcion prometedor na momento di scohe pa un destinacion den Caribe.
Aki por lesa mas di e articulo di La Vanguardia.
https://www.lavanguardia.com/ocio/viajes/20220330/8151963/asi-aruba-isla-mas-feliz-caribe.html
