E trabou di un trahador social sigur no ta un trabou glamoroso. Awor den un crisis, no tin duda cu e intensidad cu e trabou aki ta encera ta aumenta mas ainda cu tur e problemanan cu ta bin aserca. Aruba ta conta c’un serie di trahadornan social, cu ta bira e e persona mas serca di e problemanan cu ta biba den nos comunidad.
Un trabou cu bo mester tin curason p’e sin duda algun. Rachel Murray gradua den Sociaal Maatschappelijk Dienstverlening y cu su HBO den Rechten ta un persona eherciendo e funcion noble aki. Semper mi a kere den e bienestar di un ser humano y e derecho di cada ken cu ta forma parti di nos comunidad. Lesa mas di Rachel, ken e ta, e pakico di e trabou aki y mensahe cu e tin pa comparti.
