Relacion amoroso entre dos persona por ta un interaccion hopi bunita unda bo ta sinti cu bo por ta bo mes, vulnerabel y por tin espacio pa crece individualmente y tambe hunto. Ora un relacion ta bon, nos ta sinti energia, confiansa y un fundeshi pa por explora bida. Un bon relacion no kiermen cu no tin contratiempo of desacuerdo. Hustamente cu ta acepta cu esakinan ta parti di un relacion y tin amor y un sentido di compromiso pa apoya otro y acepta cu na cierto momento den bida nos lo pensa y hasi otro cu nos pareha.
CODEPENDENCIA
Kico ta pasa ora bo ta den un relacion unda cu e momentonan di seguridad y confiansa ta keda intercambia cu momentonan di tencion, angustia of apatia? E momento cu ta spera cosnan di bo pareha cu bo no ta logra haña? Unda ta termina na exigi, roga of yora pa keda comprendi. Unda tin cu entrega y soporta asina hopi pa bo por ta den un relacion cu otro. Unda ta sinti cu no por ta sin e hende aki y exigi di e persona cu e mester cambia p’asina boso bida por bay bon. Na e momentonan ey nos ta papia di codependencia.
