Proteha bo salud y yuda bo sistema inmunologico door di bo alimentonan

E malesanan di via respiratorio y cu ta contahia ta un di e problemanan cu ta wordo biba mas cada biaha mas den e poblacion di Aruba, esaki ta door di e cambio di clima cu ta trece cune hopi bacteria cu ta den e medio ambiente, kinan mi tey comparti un par di heramientanan con pa mantene e sistema inmunologico fuerte di manera simpel.

Bo curpa mester di hopi nutrientenan den nan vitamina A,C,D y E, tambe mineralnan manera selenium, Zinc y vet nan esencial manera omega 3s pa soporta e sistema inmunologico. Un dieet balancea ta compuesta di consumo di whole foods, manera proteinanan di calidad ya sea deriva di animalnan (pisca, galiña sin di hormona y antibiotico, grass-fed beef) of di proteinanan origina di berduranan (Temphe, Tofu, Legumbre) manera tambe e consumo di granonan completo, nootnan, semiya, manera tambe un variedad di frutanan y berdura.

Evitando e consumo di carni nan procesa, alimentonan hasa, alimentonan procesa, refresco, productonan dushi artificial of sucu refina, ya cu e alimentonan aki ta suprimi e funcionamento optimo di e sistema inmunologico.

Frutanan fresco y berduranan ta e miho fuente di vitamina C, cu ta yuda fortalece nos sistema inmunologico y ta mantene e curpa saludabel. Un di e miho fuentenan pa vitamina C ta e berriesnan, citrico, kiwi, promenton y dark leafy greens manera spinazie y kale.

Cushina cu ciboyo, garlic, ginger, black pepper, curry y turmetic. Esakinan ta contene componentenan antiinflamatorio cu ta yuda potencia e sistema inmune.

Awa ta yuda e produccion di Linfa(Ihymp), cu ta encarga den transporta celmam di e sistema inmunologico. Mantene bo mes hidrata ta e miho cos cu bo por haci pa bo salud. Pa haci bo awa mas saludabel agrega slicesnan di lamunchi y otro frutanan cu ta yen den vitamina C.

E fatiga gronico ta un di e causanan di hopi malesa. E curpa ta rejuvenece y ta fortalece ora e ta den stado di relax. Si bo por drumi di 7 pa 8 ora tur anochi y tambe si bo curpa ta pidi un siesta den dia, bo curpa lo agradici bo.

E 80% di nos sistema inmunologico ta ubica den nos sistema digestivo. Pesey mantene un balance di bacterianan den nos intestino ta fundamental pa e sistema inmunologico. E probiotico ta bacterianan cu ta benefica cu ta wordo haya den productonan manera e sauerkraut, miso, yoghurt, kefir, kimchi of den forma di suplemento.

Exercise no ta solamente un metodo pa ta den forma, si no tambe ta yuda na eleva e funcion inmunologico, ta mehora e calidad di soño y ta haci bo curpa mas fuerte. Si bo no ta sufri di niun condicion cu ta impidibo haci exercise, e ora busca e exercise cu mas bo gusta maske ta un caminata di 30min tur dia.

Vitamina D ta fundamental pa fortalece e sistema inmunologico, asina ta trata di realisa varios biaha den siman actividadnan den aire liber, den oranan cu solo no ta hopi fuerte.