E compania farmaceutico Janssen lo cuminsa pa mediano di Juli cu testnan riba nan vacuna contra e coronavirus. Esaki ta cuminsa prome cu e tempo cu a planea pa cuminsa cu esaki. E compania mama di Janssen cu ta Johnson & Johnson a indica caba cu e capacidad di productividad lo keda amplia y cu pa 2021 nan lo por tin sigur 1 miljaard di dosis disponibel.
Con e seguridad y efectividad di e vacuna aki lo ta, te ainda no ta mucho cla pero e prome pruebanan haci riba animalnan a mustra hopi prometedor. Acuerdonan haci cu instancianan riba detayenan di e vacuna aki tambe ta bayendo hopi bon, pues cu esaki e pruebanan riba 1045 hende cu ta programa, por cuminsan a Juli 2020. E pruebanan aki lo keda haci na België y Merca. Ta spera cu e compania lo cuminsa cu pruebanan na gruponan mas grandi mesora, identifica como Fase 3.
E compania Hulandes bou e nomber di’Janssen Vaccines & Prevention’ a keda tuma over 10 aña pasa pa e compania Mericano Johnson & Johnson. Den añanan ’90 e compania a cuminsa cu proyectonan guia pa un grupo di rebelde- y inovadornan di e ciudad di Leiden cu tabata soña na bira e Bill Gates of Steve Jobs nobo di nos mundo. Un parti a keda logra, danki na nan descubrimentonan inovador.
E descubrimento tabata yama ‘PER.C6’ cu ta mustra manera un tipo di stropi roos den barinan grandi di metal. Esakinan ta celnan di e vlies di un embrion cu ta biba den laboratorio cu temperatura di 37 grado. Esaki ta keda cultiva den e substancia unda cu cada cel ta bira un tipo di ‘fabrica di vacunacion’. E base di e vacuna lo ta e vacuna contra griep unda un parti ta keda corta afo pa e virus no por sigui multiplica sumes.
Eynan ta agrega un material genetico di e coronavirus y asina ta construi e ‘presenteerblaadje’ unda ta presenta e proteina di corona na e systema imunologico di e ser humano. Si e systema imunologico logra combati e infeccion corona, e vacuna lo ta un exito y na alcanse di tur hende.
