Sofia Jirau (24) ta un modelo di Puerto Rico cu tin e condicion di down syndrome cu ta kibrando e stereotipico di beyesa pa converti su mes den un di e figuranan mas importante den e mundo di moda, incluso den eventonan manera e siman di moda na New York.
For di mucha Sofia tabata kier ta modelo, el a bay un scol di modelahe for di jong, na 2019 su carera a cuminsa materialisa unda el a lansa su tienda online bou e nomber Alavett.
Na 2020 el a haci su debut den e siman di moda na New York unda el a expresa di ta hopi orguyoso di ta un di e poco modelo cu down syndrome cu a logra participa den un evento di moda asina importante.
“Mi a soñ’e, mi a traha p’e y awe e ta un soño cu a bira realidad” Sofia a publica riba su instagram anunciando cu e lo ta un di e prome personanan cu down syndrome cu lo modela pa Victoria Secret.
E deseo grandi di Sofia no ta solamente p’e por ta un profesional of ta un persona reconoci, pero tambe pa su deseo ta pa e por ta inspiracion pa esnan cu ta nace c’un condicion manera esun di dje.
