Ayera dia 14 di September e prome programa di Self Making cu audiencia a keda graba. Mauro Caralps cu su co-host Erwin Dijkhoff ayera a tene e grabacion di nan prome programa Self Making. E programa aki originalmente tabata yama Self Make pero awor a keda ahusta den e nomber Self Making pasobra Mauro ta kere firmemente cu nunca bo ta keda kla di traha riba un mihor version di bo mes.
Ayera nan tabatin como guest Ming li Jacobs di ‘Ki connect’. Basicamente e programa di Self Making ta pa inspira hobennan eyfo via experiencianan y consehonan di otro personanan cu ta biba den nos comunidad pa nan realisa cu nada ta imposibel. Un tipo di programa di hoben pa hoben principalmente cu e meta pa inspira, stimula hobennan pa kere den nan potencial y haci algo erover.
E programa aki ta produci pa e team di Elite Production y ta tuma lugar na e Elite Studios den Caya grandi y lo ta un biaha pa siman cu lo air tur dialuna 8:00pm.
E personanan cu ta interesa pa bay experiencia e grabacion di Self Making tur diamars 7:30pm mester reserva nan lugar adelanta, paso tin un audiencia limita segun e reglanan di DVG.
Pabien na Mauro y su co-host Erwin y tambe na e team di Elite Production atrobe haciendo un diferencia den programacion aki na Aruba.
