Palacio di Monaco a saca un comunicado oficial confirmando cu Prince Albert di 62 aña a sali positivo pa test di Coronavirus. Den mesun comunicado a avisa tambe cu e Prins ta den bon estado di salud y ta trahando for di su apartamento priva na Monaco.
E prins ta un di e victimanan mas di e virus di COVID-19 cu te awor a infecta mas cu 200,000 mil hende mundialmente y a mata riba 9,000.
Prins Albert di Monaco ta e cabes di estado y un di e miembronan di famia real mas rico na mundo.
El a asumi e posicion como lider di estado rico di Monaco oficialmente na 2005. Monaco cu tin un poblacion di menos di 40,ooo hende a registra 9 caso prome cu a anuncia Prins Albert como uno mas. Su bisiña, Francia ta un di e nacionnan mas afecta na Europa cu mas di 7,600 casonan confirma y 175 morto te cu awor.
