1. XCL: Conta nos un poco di cua bario bo lanta y ki ta bo memorianan di esaki?
Mi a lanta entre dos isla (back and forth) cu ta Aruba den bario di Brazil unda cu mi a nace y St. Maarten, den bario nan di French Quarter. Tur dos bario a lagami cu dushi memorianan di Union. Si un tin, tur tin. “No man is left behind” ta e dicho cu ta bin na mente di biaha.
2. XCL: Kico ta locual mas bo ta corda di bo infancia y hubentud?
Mi semper a gusta yuda, trece alegria unda mi por. Y esnan cu conocemi sa cu esaki nunca a cambia.
3. XCL: Con bo interes den carnaval a cuminsa?
Di chikito mi semper tabata rond di carnaval door di mi famia. Mi tata como musico y di bandi’ mama como carnavalista.
4. XCL: Kico tabata bo prome impresion di carnaval di Aruba?
Di un standpunt di bunitesa mi prome impresion ta ALL OUT. Di un standpunt personal e semper tabata e parti di aña cu mi ta haya full mi famia hunto.
5. XCL: Kico ta bo enfoke pa cu carnaval di Aruba?
Pa trece un structura y balans. Pa pone nos dushi y bunita carnaval den un mihor posicion pa por competi cu tur e carnavalnan rond mundo.
6. XCL: Con bo a experencia e hecho di a keda elegi como e Presidente siguiente pa e organisacion di SMAC?
Mi a keda puntra e pregunta ki hopi biaha y mi tabatin dificultad pa conteste semper, pero mi ta bai purba hink’e den palabra atrobe. Den volgorde : SHOCKING – HONORED – SNAP OUT OF IT- BAN TRAHA, mag celebra finalmente si logra e metanan.
7. XCL: Kico a motivabo pa postula bo mes pa presidencia di SMAC?
Formando parti di e directiva pa paar aña caba semper m’a wak e cosnan cu a bay bon y e cosnan cu ami lo a purba haci diferente.
Den combersacionnan c’un otro miembro di directiva Zuleika Wever, nos a convense otro pa postula nos mes.
8. XCL: Carnaval di Aruba tin su desafionan; con abo como presidente di SMAC lo 'handle' esakinan?
It comes with the Job. Mi tabata sa esaki di momento cu mi a postula pa e posicion.
Como president di SMAC mi ta kere tanten cu mi tuma desicion basa riba bienestar di nos Carnaval en general y no riba interes propio mi lo ta okay y mas importante, cu consenshi limpi.
9. XCL: Kico ta bo vision pa cu carnaval di Aruba?
Cu nos Carnaval wordo reconoci mundialmente pa su bunitesa y ambiente.
10. XCL: Kico segun abo ta e prome cos cu mester cambia pa cua carnaval di Aruba?
Manera mi a bisa anteriormente STRUCTURA Y BALANS.
11. XCL: Kico tabata e ‘highlight’ di bo participacion pa presidente di SMAC?
Cu pa prome biaha den existencia di SMAC mi por a ranca sali c’un directiva completo.
Treciendo e balans necesario den tumamento di desicionnan.
12. XCL: Con bo a experencia e eleccion aki?
Interesting, for a lack of a better word.
13. XCL: Bo lo encurasha mas hende pa postula nan mes pa un dia bira presidente di SMAC?
Sigur cu si, sinta na banda y punta dede ta facil, pero si bo ta sinti bo tin ideanan pa engrandese nos carnaval, haci bo mes disponibel pa ta parti di e solucion.
14. XCL: Kico ta duna bo satisfaccion den bo trabou como actual presidente di SMAC?
Pa wak hopi hende trahando duro pa carnaval di Aruba y na mes momento, disfrutando y pasa bon hunto, maske carnaval tin ora tin su cosnan pero ta un temporada di hopi union entre amigo- y famianan y esey ta dunami satisfaccion.
15. XCL: Kico ta bo planes pa futuro y futuro di Aruba su carnaval?
Un di e plannan grandi ta pa hinca mas evento den e luna di November. Actualmente nos a habri carnaval oficialmente 11-11 pero ta bira full keto atrobe te Januari. Esaki lo cambia sigur. E plan ta pa hinca mas actividad den e luna di November, pa despues respeta nos celebracion di Pasco den December y ranca sali bek na Januari. Pa mi futuro personal, ‘only time will tell’. Pero mi por bisa sigur cu mi ta stima mi trabou boluntario y di un manera of otro semper mi lo yuda unda mi por pa trese alegria pa nos hendenan den comunidad.
