Amor no ta mara na tempo y por yega na e momento cu menos bo ta spera. Juan Torres y Falon Lopez ta awe prueba di esaki. Nan a camindanan a cruza sin cu nan a spera. E wowo tras di e camara y e beyesa di un ex miss cu a ripara cu nan tin hopi mas den comun cu djis e toke pa desaroya y briya den e mundo cu ta rondona media y comunicacion. Awe den 2017, nan ta mas solido cu nunca, profilando nan mes, fuerte como pareha y den nan negoshi hunto. Un “true powercouple”.
Boso tabata conoce otro di prome caba prome cu boso a cuminsa un relacion?
No, nos no tabata conoce otro. Nos a conoce otro durante cu nos relacion tabata crece.
Kico ta loke a atrae boso cada un na otro?
For di cuminsamento te cu aworaki nos semper nos a enjoy papia cu otro pa oranan largo, sin sa cu tempo ta pasa, haci jokes, ta divertido. Nos tin ‘matching personalities’ y esey ta laga nos sinti hopi comodo cu otro… un ‘feeling’ cu keto bai nos ta sigui comparti.
Kico boso tin den comun?
Nos tin asina hopi den comun cu nos ta usa e ventaha ey pa nos sostene y yuda otro. Bijvoorbeeld, ambos ta hopi creativo, divertido, energetico, ‘fitness oriented’ y ‘hard working’.
Ki tempo boso a dicidi cu si, boso kier ta hunto?
Ora cu nos a ripara cu nos a bira e complemento di cada uno.
Cua ta boso momentonan special como pareha?
Ora cu nos por tin un espacio pa relaha y despeha nos mente for di tur cos y asina comparti sea na cas, saliendo, of viahando hunto.
Con e idea a desaroya pa cuminsa traha hunto?
Mi a ripara cu Falon tabata un persona hopi creativo artisticamente y aparte di ta hopi energetico, a haci cu mi a pidi’e p’e asistimi den un produccion. Despues di esey el a ‘prove’ sumes y asina a sigui traha y crece den e mundo di produccion y ‘hair & make-up’.
Ki ta e talento cu cada un ta trece na boso business pa por complementa otro profesinalmente?
Juan: Mi talento ta den e parti di cinematografia enfoca riba comercialnan.
Falon: Mi talento ta den e parti creativo di e produccion, castings, fittings, hair & make- up, scoutings etc.
Tin pareha cu ta soche precisamente pa no traha hunto paso relacion ta un cos y traha cu otro ta diferente, con boso ta trata pa esaki no afecta boso relacion?
Esey por conta den cualkier tipo di relacion, bijv. Familiar, di amistad etc.. Den nos caso como pareha, nos tin duidelijk cu na momento cu nos ta trahando, nos relacion di trabou ta bira esun primario y cu ta un momento serio pa yega na un ‘great end product’, y esey nos ta logra door uni manera un team e momento ey.
Juan tin un yiu, con boso ta comparti cune?
Keiyi ta un mucha hopi alegre y esey ta haci cu ora cu nos tres ta hunto, constantemente nos ta comparti, sali, hunga, y disfruta hunto, ya cu nos personalidadnan ta similar.
Ki ta boso plan profesional den futuro?
‘Rule the world’. Hahaha. Sigui crece den e ramo di produccion y expande den e mercado internacional. Apart di esey, sigui diversifica riba diferente business aspects.
Algun anectoda?
Un biaha Juan a yamami laat den anochi pidimi pa mi bin buske pasobra el a haya flat tire banda di Eagle Beach. Despues di a pensa hopi ta con mi lo sali for di mi cas asina laat, mi a didici di bai yude. Ora mi a yega, e no a haya ningun flat tire, pero Juan tabata tin un ‘surprise romantic setup on the beach’. Mi a haye hopi romantico.
