Nutricion y Salud

Un bon nutricion ta e base di un bida saludabel. Sin esaki, tur e otro esfuersonan pa hiba un bida saludabel ta envano. Por ehempel, bo por haci ehercicio tur dia, pero si bo ta sigui un alimentacion basa riba junkfood y dessert yen di sucu, guess what?… bo tey subi di peso y bo por padece di problemanan di sucu den sanger, sin importa tur e ehercicionan cu bo haci.

Inclui mas alimentonan nutritivo no ta bai over di limita bo mester di consumi bo alimentonan faborito, of di gasta yen di placa den ingredientenan exotico y recetanan dificil di sigui. Bo por mehora bo dieet di mjanera significativa solamente haciendo cambionan simple, barato y adicionnan chikito na bo rutina diario.

Plania di adelanta bo bishita na supermarket por haci un gran diferencia na kico bo ta come. Principalmente prepara bo lista di compras. Cana den supermarket sin sa kico exactamente bo tey cumpra ta un receta pa un desaster nutricional. Asina ta mane hopi hende ta caba hibando den nan garoshi cumindanan procesa, alimentonan halto den sucu, manera buscuchi, ice cream y chips. Pero ora bo tin un lista organisa no solamente ta yuda bo sali mas lihe for di supermarket pero tambe e ta mantene bo enfoca. Proximo biaha cu bo bai supermarket mantene bo mes firme na bo meta y no desvia di bo lista, logra bo meta.

Sigura bo mes na haci compras cu bo bariga yen, NO TA JOKE!!. Mi ta sugeri bo bai despues di a come un breakfast saludabel, lunch of dinner. Pensa esaki: Cuanto biaha ba bai supermarket ora bo tabatin hamber, djis pa yena bo garoshi di snacks y otro alimentonan cu normal bo no ta cumpra? Pero teniendo un bariga yen ta yuda bo na mantene bo mes enfoca den bo tarea, y ta yuda bo resisti e tentacionan di un manera mas facil. Di otro banda ora bo tin bo frigidaire y pantry yen, mi ta sugeri bo utilisa oranan di bo weekend pa prepara varios di bo cumindanan pa e siman.

Semper mi ta bisa mi clientenan, cushina na bo cas bo alimentonan ta mas saludabel cu comenan na un restaurant. Paso ki ta si e recetanan cu nan ta husa no ta net esunnan mas saludabel?

• Hariña blanco refina
• Sucu
• Aros blanco
• Spaghetti/ pasta
• Lechi di Chuculati
• Crema di lechi
• Lechuga Iceberg
• Salad dressing di boter dressing utilisando azeta di olijf di base

• Hariña di almendra, brown rice flour
• Sucu di coco, Stevia, monk fruit
• Aros integral, quinoa
• Brown rice pasta, spaghetti squash o zucchini
• Cacao 70%
• Lechi di coco
• Spinach, watercress, arugula, kale
• Azeta di olijf + vinager di apple of haci bo mesun

Tambe, un di e maneranan mas facil di agrega mas contenido nutricional den bo vida ta agregando mas berdura. Por ehempel, si bo ta haciendo home made pizza, agrega spi- nach, promentona, mushrooms y otro berduranan cu bo gusta, mas bo pone ta mas miho. Mane bo ta wak un miho nutricion, no ta un meta dificil. Haciendo cambionan simpel, manera esunan cu ma cabi menciona bo, ta esunnan cu realmente bo mester pa bai den e caminda di un miho salud.