E pandemia a trece hopi cambio den bida di hopi hende na mundo. Pa Helen (20), no ta diferente. Awe e ta mira bek na e mihor decision cu el a haci den su bida, no unicamente su trabou a cambia di un waitress pa modelo di marcanan internacional, sino tambe el a haya amor den un artista mundialmente conoci, Tracy Morgan.
TRACY MORGAN, UN AMOR INESPERA
Helen a sigui traha na e restaurant y a logra haya un prome contract. Hopi liher mas ofertanan a cuminsa drenta pa mas trabou den modelahe y fotografia pa marcanan manera Maybeline y ultimo awor hasta Chanel. “Mi a cuminsa traha 3 dia so pa siman na e restaurant pa mi por a cumpli cu mi otro trabounan den modelahe”. Y tabata den un di e dianan ey cu, e comediante y actor Tracy Morgan, kende awe ta su pareha, a crusa su caminda.
“Ami no tabata sa mes ken e tabata. Mi ta corda mi a yama mi tata pa cont’e di dje y el a bisami cu e ta un fanatico di dje. E ora mi a dicidi pa bay aserk’e pa puntre pa saca un potret pa mi manda mi tata”. Helen a cautiva e comediante/actor asina hopi cu e siguiente dia, el a bolbe na e restaurant pa pidi Helen pa su number di telefon, locual e no a logra haya mesora. Eventualmente Helen a accepta un invitacion di e comediante pa un fiesta na su cas. Awendia, Helen ta oficialmente e pareha di e comediante y ta comparti hopi tempo hunto cune.
Por lesa mas di Helen su entrevista den nos edicion digital, tanto den Papiamento como na Ingles.
