Desde ayera diaranson 5 di augustus cu casonan di Covid-19 a surpasa 50, un cantidad di localidadnan di tur tipo a pone anuncio cu nan ta sera temporalmemnte. Mientras algun a anuncia cu ta pa haci limpieza, mayoria a opta pa ta honesto y a comparti cu e motibo ta cu sea un of mas trahador lo a test positivo pa COVID-19’.
Sigur ta di aplaudi cu establecimientonan ta saliendo publicamente pa bisa cu sea un of mas trahador lo a test positivo. No solamente e ta di aplaudi, pero ta birando hasta un obligacion mirando cu durante e dia di awe varios hende a sali bisa publicamente cu nan a test positivo pa covid-19. Te cu awor, lugarnan cu a sera pa asina sanitize henter nan localidad pa por sigura e bienestar di tur empleado y cliente ta, Muscle & Lungs, Lola Craft, Local Store Aruba, Carmen Steffens, Tri Bike pa menciona algun.
Ademas di esaki, awor mas y mas personanan cu a haya na resultado positivo a cuminsa comparti esaki riba social media, como alerta otro personanan cu nan por tabatin contacto cune pa kizas tambe test of drenta den cuarentena pa evita mas brote. Hopi ta pone e borchi ‘Covid -19 Positive’ como imagen di informacion.
Mientrastanto ya Aruba a yega na total 145 caso pa merdia 6 di augustus y ta pre-mira cu e cantidad aki lo sigui aumenta. Varios medionan di comunicacion ta señala clubnan nocturno of establecimentonan di e tipo aki como e origen principal di e brote nobo aki cu ta experenciando.
