Luenne Gomez-Pieters

Luenne a termina su estudio di ley na universidad di Aruba na 2001, despues di a caba Colegio Arubano VWO na 1996. Despues na 2001, Luenne a bay Hulanda pa sigui studia Fiscalia, ley di Impuesto na Hulanda na Rijks Universiteit, Groningen. Na 2005 el a bolbe Aruba y cuminsa traha na Departamento di Impuesto como inspector. Despues di algun aña den funcion, el a keda promovi pa un funcion di manager. Na 2010 el a bay traha den sector priva sin cu tabata su intencion, mirando cu e ta bin for di un cas caminda cu impuesto ta core den nan sanger. Su tata por ehempel ta un ex-ambtenaar cu a traha 40 aña den sector publico como Duanero, y despues como controlador di impuesto na DIMP. Na aña 2014, vacatura pa e posicion di director di departamento di impuesto a habri anto e momento ey Luenne a haya su mes confronta cu otro decision grandi den su bida. E mester a dicidi si ta solicita pa esaki of no, mirando cu e tabata tin un carera bunita caba den sector priva. El a dicidi di bay p’e y solicita.