Tur cos ta mustra cu pa e luna di Augustus caba e regla nobo unda tur persona cu kier drenta sea un gym, restaurant of otro actvidadnan den un establecimento di actividad paden, lo no por drenta sin un prueba di vacuna contra Covid-19. Esaki ta un esfuerso di e Alcalde Bill de Blasio, den un esfuerso mas agresivo pa motiva hendenan pa vacuna pa reduci un di tres ola di casonan di Covid-19 cu ta menasando New York.
Ya caba ta exigi di esnan cu ta traha den e ciudad pa tuma vacuna of keda someti na testnan semanal contra Covid-19 riba nan propio gasto. Tambe ta duna incentivo di $100 na e publico pa tuma e vacuna. Como parti di e programa nobo aki, lo crea un health pass cu lo haya e nomber cu lo bira e prueba di aprobacion pa entrada na trahador y clientenan di establecimentonan manera restaurantnan, gymnan y otro establecimentonan cu ta funciona paden. Te awor ta calcula c’un total di 66% di persona a vacuna na New York.
E regla aki ta conta pa tur esnan cu kier drenta un establecimento paden y no pa esnan den aire liber.
E regla aki ta similar na loke a introduci na Francia, unda tambe pronto, lo mester por mustra un Health Pass pa bishita bar, restaurant y gymnan cu ta opera paden.
E noticia a cuminsa circula caba y ta mustra cu e decision aki no ta descarta cu lo mira e mesun regla aki multiplica den otro estadonan na Merca y kizas hasta na otro paisnan rond mundo.
