Tin hende ta bin na mundo pa no muri nunca.
Juan Chabaya “Padu’ Lampe, ta un di e personana aki. Aunke cu Padu a tuma su ultimo rosea dia 28 di November 2019, su aporte na cultura, historia, patriotismo y emocion di nos Aruba, ta haci’e inmortal.
Naci di 20 di April 1920, Juan Chabaya a nace den e mesun aña cu Aruba a cuminsa cu e industria petrolero. El a adopta e nomber di Padu, como honor na su abuelo cu e tabata yama Padushi. Na un edad hoben caba Padu su talentonan extraordinario a cuminsa resalta. Su tata, un musico virtuoso su mes, a siña Padu toca piano. E tabatin un banda di musiconan cu tabata consisti di e omonan di Padu y unavez cu Padu por a toca, e tambe a cuminsa deleita e casnan di Nassaustraat cu musica. Ya cu su 16 aña, Padu a desaroya su mesun estilo musical cu melodianan improvisa cu e tabata comparti cu hopi hendenan na esta y riba pleinchinan den caya. Asina tambe el a cuminsa planta e simiya di loke a bira un gran carera y cementa su number pa semper.
VIRTUOSO
Aunke el a siña su mes toca cuatro, violin, mandolin y clarinet, piano tabata su instrumento di mas stima y asina el a cuminsa incorpora tur e diferente instrumentonan aki den composicionnan propio scucha te awe. Su melodianan improvisa tabatin su rma riba dje, pero tambe el a proba sumes den diferente otro ‘genres’ manera merengue, danza, mambo twist, rock & roll y musica swing. Padu tabata por tur cos. Su trabou como representante di ALM tabata permitie viaha hopi den region, unda e tabata toca y a logra haya aprecio di e paisnan aki. E tabata particularmente popular na Venezuela, unda el a graba varios disco y a bira conoci como “Padu del Caribe’. Total Padu a graba alrededor di 20 disco y a composita mas di 400 composicionnan instrumental. El a duna conciertonan rond mundo na paisnan manera Puerto Rico, Republica Dominica, Cuba, Medellín, Caracas y Maracaibo, New York, Miami y Seattle.
Pa mas di cinco decada, Padu Lampe a sigui goza di su status legendario como un virtuoso den musica di cultura di Aruba y den Caribe. Aparte di musico, Padu tabata un cantante, compositor, escritor, pintor, poëta cu a haya elogio tur caminda el a bay, incluyendo na mes cas, Aruba. Padu a haya e dos reconocementonan di mas prestigioso otorga cual ta Ridder in de Orde van Oranje-Nassau y De Zilveren Anjer, ambos reconocimentonan duna na personan cu a dedica nan mes na cultura riba un base voluntario den reino.
El a scirbi tres buki riba philoso a y metafysica y a haci varios exhibicion di su obranan di arte, cual por haya na varios caminda rona Aruba.
Padu a casa cu Daisy Croes na 1946, cu kende el a keda casa pa cincuenta aña te na su fayecimento na 1996. Padu su yiu muher Vivian, kende a dune 2 nieto, tabata esun cu a encarga na cuida di Padu durante tur e añanan aki.
Cu Padu descansa na paz.
