Cu su 36 aña, awe Joueny Croes por mira con cu añanan el a desaroya como persona, desde su caracter, pa su escohencianan profesional y planan pa futuro. Di e mucha muher chikito bon mucha, sensitivo y verlegen pa su temporada di adolecencia el a cuminsa cambia y a bira un poco mas travieso, cabes duro y semper c’un opinion. “Awendia mi kier pensa cu mi ta un combinacion. Mi ta purba di ta e mihor version di mi mes, semper siñando y retando mi mes pa ta un mihor persona”.
E BUSKEDA
Na momento cu a yega pa defini su estudio, Joueny ta bisa cu el a bay den un buskeda cu a hibe den varios direccion. “Mi ta un persona cu ta constantemente pensando y hopi biaha di mas. Esaki a ponemi ripara tambe cu mi ta un persona hopi curioso. Mi a dicidi e ora pa mi studia Psychology na Miami unda mi a haci mi Associate. Despues mi a bay Orlando pa sigui cu mi Bachelors, pero circumstancianan a pone cu mi a bolbe Aruba. E ora mi a prepara mi mes pa bay Hulanda, unda mi a haci un aña di International Business Management pa despues cambia pa International Communication Management na Den Haag.
E estudio aki ta basta amplio y mi a gusta esey tambe cu mi personalidad curioso. Semper buscando ‘nieuwe prikkels’. E estudio aki ta bay di writing, designing, project management, HR, Cross Media, Cross Cultural, te cu Internal y External Corporate Communications. Na final mi a dicidi pa concentra mas riba Branding, Design Management, Visual Communications, Marketing, y Advertising”.
PROME EXPERIENCIA LABORAL
“Durante y despues di mi estudio, mi a traha na Aruba y Hulanda. Na Aruba mi a traha ultimo na Directie Scheepvaart Aruba, prome cu mi por a cuminsa cu mi stage eynan. Mi a haci basta research y tambe a termina ta design nan logo nobo. Mi a traha na Hulanda ultimo na un startup company na Amsterdam como Marketer. Eynan mi a traha mas den Digital Marketing pero tambe tabata encarga cu Event Planning. Mi a encanta di traha na un startup company den un edificio cu diferente otro startups. E ta echt un experiencia nobo compara cu e manera tradicional di traha cu nos ta custumbra cune.
OMNIA COMMUNICATIONS
Biniendo di un famia di entrepreneurs, e tabata di spera cu Joueny, tardi of trempan, tambe lo actua riba e talento aki. “Mi a dicidi di cuminsa cu mi mesun compania cu yama OMNIA Communications. Omnia ta un palabra den e Latin language y e kiermen “All” of “Everything”. OMNIA Communications; All Communications of Everything Communications.
Aunke mi ta/kier enfoca mas riba e parti di branding, marketing, advertising y strategies, mi a termina di a cuminsa traha cu diferente free lancers y companianan locual mi lo kier sigui expande mas pa crea un Creative Community unda cu nos tur por traha hunto”.
BRANDING & MARKETING
“Branding y Marketing ta hopi importante, pero e mester keda bon haci y esaki ta tuma research, agile working methods y visuals. Si e keda bon haci, e por trece bon resultado pa bo compania. Mi ta purbando di splica e importancia di un branding guideline na mi clientenan.
Tin designers cu mi ta traha cu nan, no ta persèe haci esaki, dus mi kier cuminsa pone pa e bira un standard. E no mester ta un compania grandi pa tin un branding guideline. E ta algo “chikito” cu bo por incorpora cu ta laga bo business bira mas profesional y consistente.
E ta research riba e colornan, y color psychology wak kico ta mihor pa e compania of e brand ey. Tambe uso di fonts, elements, tono di voz y personalidad di un brand. Na cuminsamento e por ta hopi trabou y research, pero unavez bo tin esaki defini, e lo ta asina mas facil pa un compania, comunica den un forma consistente y apropia cu su cliente pero tambe empleadonan. Mi enfoce principal ta Branding y e consistencia den comunicacion di e compania.
Awendia, mi a haya cliente mes bijvoorbeeld cu ta traha den un very unorganized way unda nan kier bijv brochures, yers, business cards, etc. ayera, anto mi mester purba di splica cu un new branding ta require mas cu djis esey. E ta un personalidad cu bo mester mustra, sondea con ta e mihor forma pa comunica cu bo target group etz. Basicamente tin cliente cu no ta compronde esaki. Dus mester tin pasenshi y purba di traha cu clientenan cu ta termina na nalmente compronde e importancia di esaki”.
ARUBA
“Un eror hopi comun aki na Aruba ta cu hende ta bisa marketing y asumi yen di cos cu ta cai bou di esey. Un di nan specifico ta cu nan ta kere ta Social Media Management so mi ta haci. Y aunke mi por haci esey y ta haci esey, e no ta mi specialidad sino un parti di dje. Tambe hende ta kere cu e ta facil pa haci designing, of manera handle social media mes. Mientras cu e ta rekeri constant research y analisis y content cu ta tuma tempo.
Hopi hende no ta consiente di e valor di marketing, manera negoshinan chikito den su mayoria pasobra esunnan mas grandi si ta realisa su importancia. Aruba ta hopi chikito y honestamente mi mester custumbra ainda. Hopi negativismo, codicia y egoismo akinan, locual ta tristo. Y aunke mi tabatin un prome experiencia di trabou amargo, mi ta nenga di pensa cu tur hende ta asina. Mi kier pensa cu mi ta positivo y no naïve.
Aruba ta keda mi cas, y tin hopi oportunidadnan, mi ta spera cu e generacion nobo ta mas positivo trahando hunto. Aruba ta keda dushi y mi ta disfruta e amanecer y atardecer, cu ta ‘breathtakingly beautiful’ y esey ta yuda”.
FUTURO
Tin yen di cos cu mi kier haci pero no tin tempo suficiente. Mi tin un proyecto cu ta serca na mi curason y cu spera lo por bira un realidad. Pero mi ta haya falta di Hulanda ainda y e bida eynan. Ban pone asina, mi ta basta habri pa oportunidadnan nobo na otro camindanan den futuro. Hopefully, mi por haci un diferencia den e industria di branding na Aruba y tambe den e forma di traha. Aparte di branding y marketing mi ta gusta e industria di turismo y servicio. Mi ta hopi social, honesto, leal y service-oriented. Mi a gusta traha den e sector ora mi a traha na Marriott. Kizas un dia lo mi por tin mi mesun bed and breakfast.
Den ambito personal, kico ta bo goals?
Mi ta soltera y sin yui, di chikito mi tabata kier un famia si, pero cosnan a keda cambia durante e añanan cu awor ainda mi no sa. Mi ta kere e lo depende di mi pareha porta. Un cos si, mi no kier settle just pa settle. Mi ta contento cu mi bendicionnan, famia y amigonan. Mi ta den constante desaroyo y siña di mi mes. Mi ta kere na final lo ta e logro di mas grandi, bira un mihor version di mi mes.
