Hopi biaha den bida ta yega un momento caminda cu bo ta para keto y cuminsa busca na bo mes kico ta locual cu bo kier haci di awor pa futuro. E asina yama ‘calling’. Solamente ora cu nos cuminsa busca esaki, scucha nos mes y kico ta locual ta biba den nos curason, nos por descubri esaki. Si tur cos ta alinea cu otro y si e ta ‘meant to be’, nos por yega na sigui e ‘calling’ aki. Esaki ta exactamente locual Joanne Seferina-van den Bergh a haci. Cu su 40 aña Joanne a realisa cu e kier haci algo totalmente diferente na locual e ta haciendo awo. Recientemente a wordo nombra hoofd di Bureau Sostenemi y asina ta bay cuminsa un etapa nobo den su bida profesional mustrando asina cu nada ta coincidencia y cu hopi biaha ta e universo mes ta conspira pa pone nos caminda cu nos mester ta.
