Ora algo ta den bo origen y ta latente, chens ta grandi cu esey ta bira bo guia den bida. Pa Jessica de Veer (29) e echo di por a traha y siña di negoshi for di chikito caba, ta loke e ta sinti cu a yude forma sumes mas como persona awendia. Sea tabata den e tienda di sapato di su mama of na planta di Tropical Bottling Company, tur ta momentonan cu a forma un empeño den dje pa traha duro semper pa kico e kier y semper lucha pa ta lo mihor den loke sea e dicidi pa haci. Jessica ta representa e di 5 generacion di famia de Veer, trahando den Meta Corp, y e oportunidad di por aporta na continuacion di e legado aki cu ta bay mas cu 100 aña, ta un honor cu e ta tuma hopi na serio.
