“Aña 2020 ta un aña di reto”, asina e comerciante local Izaira Vingal (35) ta describi’e. Y aunke el a cuminsa na un manera masha positivo, cu dos proyecto nobo y un baby na caminda; tur cos a cambia dia 13 di maart si e mesun aña. Un fecha cu, mescos cu pa hopi otro comerciantenan local, lo no por lubida nunca mas. Manera April a drenta, ya Izaira a realisa cu e planan cu e tabatin proyecta pa su negoshi, lo no ta realisabel mas.
![](https://xclusivomagazine.com/wp-content/uploads/2020/11/CMPP-19-scaled.jpg)
Express Events Aruba ta un negoshi cu ta concentra riba huurmento di mueble y otro ‘party supplies’ necesario pa completa eventonan di tur tipo. Pues un negoshi cu ta cay literalmente bou e categoria di ‘non essential’. Kico e por a haci awor? Cu e pregunta aki mesora eynan, su survival mode a ‘kick in y el a dicidi pa tuma accion. Esaki ta entrevista di un comerciante cu a opta pa bringa pa su sobrevivencia, den tempo di un pandemia na Aruba. “E tabata sea nos tabata para keto y warda, of nos ta haci algo,” Izaira ta bisa.