India ta number 1 den Polushon Mundial

India ta lider na mundo den e cantidad di mortonan relaciona cu polushon. Na di dos lugar ta sigui China y Nigeria, esaki segun un recien reporte publica cu ta calcula e impacto global di contaminacion den aire, awa y lugar di trabou. E reporte haci pa The Global Alliance on Health and Pollution (GAHP) a constata cu polushon ta e cuasa ambiental principal di morto riba nos planeta, responsabel pa 15% di morto cu ta representa un 8.3 miyon di persona.Merca, cu 325 miyon di hende, ta na number 7 cu serca di 200,000 morto.

E reporte aki ta un 'wake up call' cu polushon ta un crisis global.

E no ta importa unda bo ta biba paso polushon lo enconytrabo”, asina e director ehecutivo di GAHP a informa.Mortonan relacion polushon ta mas halto den algun di e paisnan mas pober di mundo unda saneamento di awa deficiente y  aire interior ta e causanan mas grandi di morto.