Ichelle (31) y Dennison (41) ta un pareha relativamente hoben. Aunke cu inicialmente, ora nan a conoce otro, nan no a pensa riba un noviazgo, cupido a haci su trabou. Awe nan tin 15 aña cu otro di cual 1 aña casa y hunto nan tin un yiu muher, Dennise. Hopi biaha bo ta pensa cu den un matrimonio, e pareha tin similaridad den e cosnan basico cual ta religion, gusto y politica pa nombra algun. Pa Ichelle y Dennison, e ultimo aki ta net esun den cual nan ta diferencia aden pero asina mes, aunke cu nan ta comparti ideologianan diferente den politica, nan semper a sa di sostene otro no obstante nan escogencia politico. Esaki ta con nan ta haci na relacion funciona, riba tur cos, incluyendo diferencia den politica…
