Den un victoria sorpresa den e di 70 aniversario di Grand Prix awe diadomingo 9 di Augustus na Silverstone , e hoben Hulandes di apenas 22 aña, Max Verstappen, a caba cu e dominio di Mercedes den e caredanan aki. A basa e victoria di Verstappen na strategia y e tirenan mas duro cu a keda uza. Pasobra cu Verstappen a marca su mihor tempo den e di dos ronde di cualificacion riba e tirenan mas duro, e mester a cuminsa riba esakinan tambe diadomingo. E tabata un ‘gamble’ cu a ‘pay off’. Contrario na Verstappen, tanto Hamilton y Bottas a core e careda riba tirenan mas suave. Esaki a dunanan temponan mas liher den e vueltanan pero a causa desgaste tambe mas liher cu a causa cu nan mester a drenta paden pa cambia esakinan mas prome. Hamilton di Mercedes a keda na di dos lugar. E prome cuater caredanan di e temporada, tur a keda gana pa Mercedes, 3 vez Hamilton y 1 vez pa Bottas.
Netflix a estrena un serie documental yama Formula 1: Drive to Survive cu a keda produci den colaboracion cu Formula One den cual ta duna un ‘behind-the-scenes’ exclusivo di e drivers y caredanan di 2018 / 2019 di Formula One World Championships, cual ta mira hopi na Aruba tambe unda e fanaticonan di Formula 1 ta grandi y di tur edad.
