E Duke and Duchess di Sussex a anuncia cu nan lo tuma un paso atras como “senior” royals den un declarashon emiti pa e Palacio di Buckingham.
E pareha a bisa cu nan kier crea un rol nobo y mas progresivo den e institushon.
Nan a agrega cu nan intenshon ta pa traha y bira ‘financieramente independiente’.
E pareha a comunica e decision aki via nan cuenta instagram .
Nan a reiteira cu nan ta keda cu nan sosten na su mahestad Reina Elizabeth, apesar di e ahuste aki den nan rol nobo.
‘E quilibrio geografico nobo aki lo permiti nos cria nos yiu c’un aprecio pa e tradishon real den cual el a nace aden mientras cu na mes momento, e ta permiti nos famia pa centra nos mes den e proximo capitulo nos dilanti cual ta inclui lansamento di nos entidad caritativo nobo”, e pareha a bisa.
Ya medionan a cuminsa specula cu intenshon di e pareha ta pa bay biba mas tempo na Canada.
Na Oktober, e Duchess a cuminsa cu action legal contra The Mail on Sunday riba kehonan di a publica cartanan personal sin su permiso.
E Duke di su banda tambe a cuminsa accion legal contra e doñonan di The Sun, The defunct News of the World, y The Daily Mirror, riba acusacion di nan envolvimento den phone-hacking di dje.
