E agencia di seguridad nacional di tanto Merca, Canada como Gran Bretania a confirma e intento di hackersnan di Rusia, purbando di horta informacion riba posibel vacunanan contra e virus di Covid-19. E confirmacion aki ta habri e porta di un guera cybernetico existente entre Rusia y otro partinan di mundo.
Segun e informacion, e grupo aki operando bou APT29 y conoci como Cozy Bear ta probechando di e chaos crea pa e pandemia y dirigiendo nan mes na organisacionnan di salud purbando di horta informacion riba posibel vacunanan cu ta den creacion. E hackersnan aki ta usando spear-fishing y malware pa purba haya acceso na e investigacionnan aki.
Cozy Bear ta un di e gruponan mas conoci den e grupo di hackernan di Rusia. Esaki ta e mesun grupo hunto cu e otro yama Fancy Bear cu ta asocia cu infiltracion di e Comision Nacional Democratico di 2016.
