Guido Carlo

E ta un cara conoci na Aruba. Guido ‘Gandola’ Carlo (35) tabata polis pa 3 aña prome cu el a bira conoci como un MMA fighter y ultimo un bodybuilder, awor oficialmente reconoci como uno profesional. “Si tin un cos cu mi ta lamenta den mi bida ta di no a sigui studia despues cu mi a sali for di cuerpo policial. Mi intencion tabata di studia HBO rechten cu specialisacion den criminologie, pero ora cu mi no por a haya e chens pa haci esaki buiten bezwaar, mi a retira. Mi a traha un tempo na bufete di abogado di mi tata como juridisch medewerker y actualmente ta fungi den e departamento di city inspector”.

Asina leu cu e por bay den su infancia, e ta corda su mes como un mucha semper activo den diferente deporte manera futbol, judo, basket, atletiek y surfen.

“Aunke mi tabata hopi flaco di naturalesa, mi tabatin e tin e suerte di tabata toch atletico. Mi a practica MMA di 2007-2011. Cu mi background di Judo, semper mi a encanta e peleanan di UFC (Ultimate Fighting Championship) cu mi tabata wak desde cu el a cuminsa den añanan ‘90” y un fan grandi tambe di fan grandi di WWE (World Wrestling Entertainment)’. E ta corda con como mucha e tabata facsina tambe cu e peliculanan di arte marcial di Bruce Lee. Su compromise mas stabil cu su entrenamento den un gym a yega hunto cu cambio den su bida.

“Na 2012 despues cu mi a divorcia mi a drenta gym full time. E tabata un ‘outlet’ p’ami y alavez mi a namora cu e arte y proceso di ‘build bo body’ riba bo mesun terminonan. Den MMA mi tabata depende riba otro persona pa train pero den bodybuilding mi por a depende riba mi mesun ‘input’ y disciplina. Mi a competi na 2012 y atrobe na 2014 pero na 2015 mi a echt tume full na serio y awor mi tin 2 pa 3 aña dedicando tempo completo na bodybuilding.

El a topa cu potretnan di su mes un poco mas cu 20 aña pasa y claro cu e diferencia cu e ta mira no ta djis na su edad, pero na e forma con el a ‘build’ su mes na e curpa cu e tin awe. “E unico manera bo curpa por cambia realmente ta si bo dedica bo mes na un ‘balanced diet’ y un ‘calculated training regimen’. Y esaki mester ta algo constante henter aña y no solamente pa un temporada”.

Den mesun rosea e ta agrega cu esaki ta loke ta haci cu e sport aki ta algo costoso. “Bo ta gasta HOPI placa na por ehempel webo, galiña, carni, pisca, turkey y berdura pa por sigi un ‘restricted diet’ pero tambe bo mester cumpra bo suplementonan cual ta necesario y caro. E parti di massage/ therapy tambe ta uno masha importante cual hopi atleta no ta tene cuenta cune cual tambe ta uno costoso. E ta djis imposibel pa un atleta amateur of profesional por prepara su mes adecuadamente sin e sponsornan necesario pa cual motibo mi ta gradicido na mi sponsernan fiel.

Guido ta reconoce cu mundialmente mira, e “performance enhancement drugs” (PED) ta un taboo ainda pero realisticamente e ta pasa tur caminda incluyendo na Aruba y hasta den Olympics. “Den mi opinion e ta un escogencia personal cu cada persona mester tuma pa su mes dependiendo di su meta y preferencianan.

Naturalmente un curpa ta yega su limite y pa sobrepasa e limite aki, e PED ta yuda y duna un ‘extra boost’ den porformance y/of results. Pero mester realisa cu e PED aki sigur no ta un ‘wondermiddel’ pero ta djis duna un ‘extra edge’. E uso di PED por bai robes ora tin abuso y uso riba termino largo sin tuma e pasonan necesario despues di usa e PED p’asina regula tur hormona y normalisa e funcionnan di bo curpa cual ta conoci como e post cycle therapy (PCT).

“Mi ta un esposo di 5 yiu, 3 yiu di mi mes y 2 di criansa. 4 mucha muher (13,10,10, 9 aña) y mi yiu homber (4 aña) kende ta autista. E unico manera mi ta logra den e sport aki ta danki na mi casa Evelyn Carlo kende ta cushina tur mi cumindanan, cuida di e muchanan y tambe yudami den cualkier otro aspecto di e deporte. Ora di prepara pa competencia mi no tin mucho tempo liber pa mi famia y tampoco pa mi mes paso e unico cos cu mi ta haci ta train (3 ora pa dia) y pecura pa mi come 6 cuminda pa dia cual ta cada 3 ora. Mi no ta un persona cu ta trip hopi of bebe alcohol, unico cos cu mi ta gusta haci ta bai cinema of ta na cas cu mi famia.

Mi ta gusta dedica mi mes full na mi sport, esnan cu conocemi di berdad sa cu mi ta tume echt na serio dus ‘eat, train, sleep, eat eat and repeat’!!!! Mi yiunan sa caba cu semper Papa ta riba diet y tur dia Papa ta bai gym pero semper mi ta percura pa mi tin tempo pa nan y tambe pa mi casa kende no ta solamente mi casa pero tambe mi amiga, chef, coach, nutritionist, manager y mucho mas. Mi ta sacrifica hopi di mi bida personal y familiar pero manera nan ta bisa “no sacrifice, no glory”.

Recien Guido a comparti cu tur su fanaticonan cu el a logra su Elite Pro Card den bodybuilding, cual ta un logro cu e tabata anhela masha hopi mes. “Esaki ta nifica cu awor mi ta un professional bodybuilding athlete den e liga nobo di IFBB elite pro y awor mi por cuminsa competi den e pro class y tambe bin na remarca pa gana placa. Dus como amateur nos no ta gana placa pero awo tur top 6 den e pro elite classnan ta gana placa p’asina toch cubri parti di nan training y preparacion y tambe ta hacie mas facil pa haya sponser.

Pa awor mi lo kier concentra riba e Giovanni Classic cual lo tuma lugar na Aruba mes na Augustus 2018 pero mi ta desea di competi tambe den algun competencia na juni, juli y augustus den region cu lo por ta posibel unicamente cu e sponsoringship adecua. Mi speransa ta sigur di por logra e patrocinio otro aña pa logra competi y asina cualifica pa e mundial cual lo tuma lugar na Spañe na september.

Mi no tin echt un rolemodel den e sport aki pero locual p’ami ta hopi importante ta semper mi ta purba di inspira otro persona pa nan sigui nan soñonan of haci locual nan ta desea di haci. E personanan cu ta haci esaki manera ami ta desea di hacie ta: Dwayne “the rock” Johnson, Arash Rahbar, Barak Obama, mi defunto welo Antonio Carlo y mi yiu homber Guido-Alessandro Carlo.

E deporte aki no tin edad mirando cu bo por cuminsa relativamene jong y sigui practice te na un edad bastante halto. Awendia tin atleta di 16 aña pero tambe di 73 aña dus e deporte aki no conose barera di edad, religion, sex, of race. E ta pa cualkier persona cu kier mehora su estado fisico y na e manera ku e mes ta desea. Si bo kier cuminsa e deporte di bodybuilding of cualkier otro deporte, bo mester duna 100% di bo mes paso si abo no hacie, ningun hende ta hacie pabo.

Nos bida ta cortico y semper bo mester haci locual ABO kier haci y esey por ta bodybuilding of ballet pero una ves bo kies bo deporte/hobby hacie ku pasion y honor. Bodybuilding ta un manera masha dushi mes pa no solamente bo mustra of sinti miho pero tambe pa cuida bo salud cual ta un di e cosnan mas importante den nos bida. Educa bomes semper y no djis haci loke hende ta haci of ta bisabo pa haci. Just do YOU y enjoy the process!!!!!!!

Un bodybuilder ta wordo evalua riba su presentacion di : massa, definition, proportion, symmetria y presentacion riba stage. E atleta cu por trese e miho balance den tur area ta ken lo wordo eligi como e ganador. Door di mi haltura mi areanan menos fuerte ta mi brasa y pianan. Pero mi a traha duro riba nan y ta sigi traha duro riba nan y hasta mi a sa di gana best legs na mr. Aruba 2017. Mi ta hopi realistico y eerlijk cu mi mes y pa e motibo aki mi sa kico mi mester traha riba dje y lo mi sigi traha riba dje. Mi parti fuerte ta mi doorzettingsvermogen, dedicacion, consistency, perserverancia y tambe mi forsa fisico ta locual ta dunami e chens di train duro y nunca ‘give up’ riba mi mes.

• Winner Beginner Tall Class
• Beginner Overall Champion
• 2nd Heavyweight Mr Aruba
• 2nd Heavyweight Hercules (Corsow)

• Top 15 amateur mr. Olympia (Mexico – physique class)
• Heavyweight Champion Mr. Aruba
• Top 6 Super Heavyweight class(St. Maarten – Central American and Caribbean Championships

• Winner Heavyweight Class – Mr. Aruba

• Mr Aruba 2017
• Best Legs Heavyweight Class
• Beginner Overall Champion
• 2nd Heavyweight Mr Aruba
• 2nd Heavyweight Hercules (Corsow)

Giannis Nutrition Center | Clinical Massage Aruba | Hardcore Gym Budget Car Rental | Q-Safe Safety & Security Management VBA JEY Constuction