1. XCL: Den cual bario bo a lanta y kico ta bo memorianan di e tempo aki?
G-JR: Ami a lanta na Fortheuvelstraat (Lago Heights) hunto ku mi famia banda di tata y tambe den e cas di pueblo na Brazil Lopez Straat cu mi famia banda di mama. Tur diasabra mainta y atardi mi mester a bai misa door cu mi famia band’i tata ta Adventista di 7 dia. Pero mi tin asina hopi prima y primo cu nunca misa tabata laaf. Den mi tempo liber mi tabata hunga baseball den cura di e scol di polis, tambe mi tabata hunga basketball den cura di mi wela. For di chiquito mi tabata traha mi drum set for di bleki klim y un hemchi anto toca muziek, ‘good times’. I love to drum!
2. XCL: Kico ta locual mas bo ta corda di bo infancia y hubentud?
G-JR: Mi ta corda cu mi a haya un drum set pa pasco di mi mayornan anto riba e mesun dia ey mi a kibra e drum set di tanto toca riba dje. Mi a hasta para riba e drum set. The show must end with a bang (Lol). Mi hubentud tin su bon y tambe su malo. Mi a hayami den hopi bringamento y negativismo. Pero asina mes mi a sera asina hopi amistadnan durante mi hubentud y te cu dia di awe nos ta bon.
3. For di ki edad bo a cuminsa canta?
G-JR: Mi a cuminsa canta na 1995 cu mi 9 aña, titulo di e cancion “Stroke it” scirbi pa Winston Flemming y aregla pa Franklin Granadillo.
4. XCL: Esaki ta di cuanto biaha cu bo ta participa den Caiso y Soca Monarch?
G- JR: Let’s see, Na 2005 ‘Nonstop’, 2006 ‘Black- man’, 2007 ‘Follow me’, 2009 ‘Big Fish’, 2014 ‘True Revelers’, 2017 ‘The Purge’ y ‘My Contribution to Caiso’. Tambe den Children Caiso y Soca Monarch for di 1995 te cu 2004 dus ongeveer un 15 biaha mia participa.
5. XCL: Conta nos di bo trayectoria musical, cual bandanan bo a yega di toca cune y cual ta e canticanan cu bo tabata tin mas exito cune?
G-JR: Ami a cuminsa como un instrument drager pa NBO, Mi a toca den e banda Déjavu pa un carnival season y tambe fiesta nan como drummer, Cu mi 17 aña mi a keda aserca pa Dj Allah pa forma parti di BMW. Non-stop tabata mi prome cancion cu BMW composita pa mi persona y aregla pa Rocky Everon sigi pa Blackman cu mesun compositor y areglista. Na 2005 hunto cu mi famia, mi a sali bai biba Hulanda unda mi a bin forma parti di ATNG . Na 2009 mi a presenta Big Fish cu ATNG na Aruba’s Caiso y Soca Monarch. Na 2012 mi a forma Recruitz Band, cu a debuta na Aruba Dag 2012, pa despues toca na entre otro Antillianse Feesten, Caribbean Night Tilburg y algun otro fiesta na Hulanda. Awo bibando bek riba mi isla, mi ta formando parti di Aruba’s hottest band Tsunami.
6. XCL: Kico tabata e inspiracion pa “The Purge”?
G-JR: E pelicula “The Purge” riba su mes no ta un pelicula normal y e tin un creacion unico, esey a dunami e inspirashon pa compone algo cu no ta normal pa Aruba su carnival y cu no ta pa Aruba so pero tambe International. Letranan agresivo pero alaves positivo, hunto cu Rocky y Easy B cu tambe ta inspirami durante e proceso aki di traha muziek, nos a crea “The Purge”.
7. XCL: Bo mes a pensa cu e cantica lo bira un exito asina grandi? Na ki momento bo a ripara cu el a bira un hit?
G-JR: No, It came as surprise. Na cuminsamento mi a haya bon comentario riba ambos cancion pero mas pa e Caiso. Tur mi añanan participando mi a siña ‘not to get my hopes up’. Tur dia di siman “The Purge” ta keda solicita na tur radio station y poco poco tur banda a cuminsa puntra pa e midi file. Ora el a wordo nomina pa roadjam, well then right there we knew we had a winning song. The People’s Choice Roadjam 2017.
8. XCL: Con dificil bo ta kere cu e ta pa “overtref” bo mes otro aña despues di un exito asina grandi manera The Purge?
G-JR: E lo ta un tarea hopi dificil mes. P’esey awo durante aña mi tarea ta pa observa tur cos rond dimi p’asina por trese algo similar of cu mas exito dilanti pa pueblo di Aruba y mundo henter por disfruta di dje.
9. XCL: Con bo ta combina bo bida personal, trabou y famia cu un hobby di cantamento cu ta rekeri asina hopi dibo den periodonan manera carnaval por ehempel?
G-JR: Cu ayudo di mi famia mi por haci tur cos, bai tur parada y bai tur toca. Mi famia ta tur cos p’ami, nan semper t’ey pa yudami cu kico cu mi mester. Cu un famia manera dimi, tur cos ta posibel.
10. XCL: Kico ta sigui awor durante aña pabo musicalmente?
G-JR: Awo durante aña nos ta bai graba hopi mas cancion. “The Purge” Official Video Clip tambe lo sali e aña aki. Un cancion cu ta na caminda caba ta “ Foreplay” featuring mi broer Zyon. Coming soon so stay pending for that one. MAD!. Y mas cu claro, tambe lo topa Galloway na tur toka di Tsunami.
11. XCL: Kico bo famia a bisabo despues di e temporada exitoso di Carnaval y con nan a haya bo participacion?
G-JR: Awel si por a wak e ‘smile’ riba cara di mi famia completo ora mi a caba di presenta e anochi di Caiso and Soca Monarch tabata ‘priceless’. Mi tata cu ta mi tur cos, pa motibo di trabou den exterior, eno tabata presente. Mi famia a bai live via FB pa e por a volg mi presentashon. Mi tata por a yora di contento y orguyo. Un feeling unico ora bo famia, friends y fans bin hunto y encourage you to push to your full potential is the best feeling any artist can ask for. Loveee them to the core!
12. XCL: Tabata tin varios controversia durante e periodo di carnaval, un di nan tabata encuanto e participacion di Blacky y su titulo na e Caiso & Soca Monarch y e otro tabata despues na momento cu a scohe e cantica di Rusty como roadjam, mientras cu hopi a haya cu The Purge mester a bai cune. Kico abo ta pensa di ambos caso?
G-JR: We all make mistakes, we either learn from them and move on or we dwell in the past and continue to make the same mistakes. Blacky no ta solamente mi compañero di banda pero tambe un super bon amigo. Mi ta felicita Rusty cu su premiacion di Roadmarch, but the People’s Choice feels sooo much better. (Lol)
13. XCL: Ki rol bo ta haya c’un cantante popular manera abo mes tin como rolemodel pa nos hubentud?
G-JR: E ta cuminsa cu bo ‘circle of friends’ cu bo ta kies pa anda cune. Cana cu hende positivo cu kier haci bon y pa dilanti ambos lo bai. Mi tambe tin friends cu ainda ta den gang, pero e mesun respet cu ami ta dunanan, nan ta dunami bek…
14. XCL: Con abo ta purba pone un bon ehempel?
G-JR: Ami como artista mi ta purba di keda positivo den tur cos cu mi haci, tanto den mi bida personal como bida artistico.
15. XCL: Kico ta bo deseo di mas grandi pa e arte musical na Aruba y tambe pa e temporada asina dushi di Carnaval?
G-JR: Mi deseo ta pa representa Aruba ribe escenario grandi na Trinidad and Tobago ISM (International Soca Monarch). Demostra cu aunke nos ta un isla chikito nos tambe por make it big in the Soca World.
Nomber
Carl Austis Roosberg Aka Galloway Jr
Edad
30
Profesion
Musician
Estudio
Ict Niveau 2
