Sex, apesar di ta un acto fisico, alavez ta un proceso mental extensivo. E hecho di tin fantasia sexual riba su mes, no ta algo inusual ni abnormal. Fantasia sexual por haci sex cu bo pareha mas interesante y divertido, specialmente ora e no ta mara na e restriccionnan di realidad. Nos por fantasea tocante kico cu ta, incluyendo cosnan cu en realidad nos no lo kier, cu ta imposibel of cu no mag. Hopi hende muher tin e asina yama ‘rape fantasy’, den cual nan ta wordo domina sexualmente door di un hende homber conoci of desconosi, cu na e momento ey no por contene e pasion cu e ta sinti pa nan. Esaki naturalmente den realidad ta tur hende muher su ‘worst nightmare’, pues absolutamente no ta algo cu un hende muher lo desea pa experiencia den bida real.
Den contraste, algo manera ‘missionary sex’ cu e pareha actual generalmente no lo forma parti di fantasia sexual, ya cu ta algo cu ya ta considera como custumber y asta ‘vanilla’ den un relacion. Mayoria fantasianan ta inclui un of mas persona cu bo no lo considera of no lo por tin como pareha den realidad, pero cu pa un of otro motibo bo ta haya nan atractivo, manera por ehempel un cantante, un artista di cine, un modelo internacional, pero tambe un persona mas cercano: un colega di trabou, un amiga of amigo, partner of casa di un conocir.
Den e casonan exepcional, den cual e fantasia ta inclui e pareha actual, hopi biaha e ta trata posicionnan of practicanan cu no a wordo experimenta ainda of cu e persona ta desea di inclui pero tin miedo di propone na su pareha, manera e practica di BDSM (a la ‘Fifty Shades’). Door cu fantasia sexual generalmente ta considera como ‘taboo’, y hasta como un forma di traicion of infidelidad, hendenan tin e tendencia di sinti nan mes culpabel. Ta importante pa distingui berguensa (‘shame’) for di culpabilidad (‘guilt’). Berguensa ta un gevoel humano, cu ta distingui nos for di bestia, cu por ehempel no ta sinti berguensa di hasi sex unda cu ta, dilanti ken cu ta, den pleno luz di dia. Sintibo culpabel sinembargo, tin e aspecto sumamente negativo caminda bo ta huszga y den cierto sentido, condena y castiga bo mes.
Si bo ta sinti berguensa despues di fantasea sexualmente, just accepta tanto esey como bo sexualidad como sentimientonan humano y ‘let it go’. Pero en todo caso ‘shake off’ e sentido di culpabilidad cu no ta yudabo cu nada y solamente ta perhudicabo emocionalmente. Ban sea sincero cu otro y sobretodo cu nos mes. No obstande nos sentido di moralidad, mayoria di nos no ta haci sex cu e solo intencion di procrea. Sex ta un necesidad humano cu tur hende tin, aunke tin hende cu, pa motibonan externo, ta sinti nan mes obliga di reprimi esaki.
Bo fantasianan ta algo completamente personal. Niun hende por prohibibo di tin nan y niun hende por obligabo di compartinan. Pero fantasia sexual por ta un ‘tool’ importante pa ‘keep the fire burning’, specialmente den relacionnan di hopi aña, caminda e familiaridad cu e pareha ta haci cu e chispa ta disminui. Si abo y bo pareha ta sexualmente expresivo, purba introduci bo fantasianan den forma di sorpresa of como ideanan nobo pa ‘spice up’ bo sex life. Corda si, cu esaki mester ta algo acorda, es decir algo cu bo sa cu bo pareha lo aproba.
Abo conoce bo pareha miho cu niun otro hende. Si bo sa di antemano, cu bo pareha no gusta e idea di ‘threesomes’ of ‘orgies’, ta consehabel pa tene esakinan den bo mente, como un fantasia. No ta necesario pa bai splica bo fantasianan cu luho di detaye na bo pareha, principalmente si esakinan ta inclui un colega of amigo/amiga. Pues, esaki por causa duda y confusion innecesario serca bo pareha, cu lo por pensa cu esaki ta un deseo real.
Tene cuenta cu fantasia sexual por ta peligroso ora e ta refleha desesperacion of obsesion, por ehempel ora cu bo ta sinti cu bo falta algo den bo relacion cu solamente e persona den bo fantasia por dunabo. E chance di ‘act out’ e fantasia aki cu e persona en cuestion, ta bira mas grandi ora ta trata di un persona cu bo tin contacto regular cune. Tambe ta importante pa monitor e frequencia y e grado di perversion. Fantasia cu ta domina bo bida diario, por ta relata na adiccion sexual. Esaki, como tambe fantasia cu ta inclui un acto totalmente inacceptable manera pedophilia, sigur ta ‘red flag’ pa busca ayudo psychologico.
