Evelyn Wever Croes

E prome ser femenino cu a fungi como Minister President den Aruba su historia y cu a casi logra completa un periodo di 4 aña como lider di un coalicion. Tin hopi “prome” pa Evelyn, pero kisas esun mas importante ta cu e ta e prome lider di nos pais mester a enfrenta un pandemia y crisis financiero mundial cu a dal nos pais asina duro y alaves a eclipsa tur otro aspecto di gobernacion.

• Cu nos a pone Aruba bek riba e rumbo di finansa publico responsabel, prome cu e pandemia.
• Cu nos a aloca 36 miyon orin den e 33 proyectonan di e Crisis Plan Social, pa yuda esnan mas vulnerabel di nos pais bira mas fuerte y resiliente p’asina combati problemanan social.
• Cu nos a pone integridad riba agenda di gobernacion y e lucha continuo contra corupcion; nos a institui e Oficina di Integridad di Aruba, a oficialisa e Ombudsman y a bin cu e ley di financiamento di partidonan politico.
• Cu nos a trece bek e helicopter y e radar, y asina a haci Aruba mas sigur.
• Cu hunto cu nos profesionalnan nos a bringa e efectonan di e pandemia mundial Covid-19, y nos a bin cu proyectonan manera Fase y Subsidio di Salario pa yuda esnan mas afecta.
• Cu nos a logra sali di e contract cu Citgo.