1. XCL: Conta nos unda bo a lanta, bario, famia di cuanto?
EC: Mi a nace na Aruba pero dia mi a hasi 3 aña mi mama como mama soltera a tuma e decision pa muda y bai biba na Hulanda. Mi a lanta na Oosterhout, Noord Brabant un cuidad chikito den zuiden di Hulanda. Cu 16 aña mi a bin bek Aruba te cu dia di awe. Mi a caba mi MAVO na Colegio San Antonio, despues mi a sigi colegio pero mi tabata kier algo otro den bida y manera e oportunidad a aparece mi a bai studia na Merca. Aunke mi a bai originalmente pa studia Biotechnology mi a cambia mi rumbo pa business despues di a traha na e Business and Social Science division na e Universidad cu mi tabata studia.
2. XCL: Bo tabatin un idea riba ki carera bo lo tabata kier pa continua como hoben?
EC: Como mucha mi semper kier a bira un verpleegster, esey nunca a sosode paso mi ta basta mimo ora ta trata di sanger, hangua etc… Nunca mi a pensa lo mi ta den e ramo di ‘business’.
3. XCL: Bo tabata un mucha introvertido of extrovetido?
EC: Mi ta kere semper mi tabata un combinacion di nan dos, locual nan ta yama un ambivert.
4. XCL: Con bo listeyle tabata como hoben, bo tabata pone atencion na bo beyesa, cuido personal, peso?
EC: Mi tabata tin un lifestyle hopi activo mi tabata baila desde cu mi tabatin 6 aña dos biaha pa siman. Fuera di esey paso mi a lanta na Hulanda mi tabata hunga pafor, core bais, cana etc. Mi tabata semper fascina cu moda, make up, cabey y semper tabata cuida mi peso.
5. XCL: Con importante tur loke ta menciona riba tabata compara cu bo estudio y hamber profesional?
EC: Mi ta di opinion cu tur e training y disciplina di ballet y tambe e manera cu mi a lanta a crea mi personalidad y a dunami e determinacion cu mi por logra cualkier cos si mi traha duro p’e.
6. XCL: Bo a post algun tempo pasa riba social media e cambio den bo bida cu a haci cu bo a baha hopi peso mes, dicon e paso aki y kico ta loke bo a haci?
EC: Mi a dicidi di conta mi storia con mi tabata sufri di Bulimia p’asina crea awareness di e topico. Mi semper a struggle pa ta felis cu mi peso y con un simple dieet entre amiganan a ponemi bira obsesiona cu mi peso y mi figura.
7. XCL: Kico ta e cambionan cu esaki a trece den bo bida?
EC: Mi tabata hopi insigur dimi mes, y tur mi felicidad tabata e number cu mi tabata wak riba e weegschaal tur mainta.
8. XCL: Bo ta pensa cu awendia preshon riba ‘looks’ ta domina hopi riba muhernan?
EC: Mi ta kere cu tur ser femenino ta wordo presiona pa tin un cierto figura, paso esey ta locual sociedad ta bisa ta bunita. Mi ta contento cu tin ser femenino mane Ashley Graham y Dasha Polanco cu ta cambiando e percepcion di hende cu bunitesa ta bin den tur “Shapes and Sizes”.
9. XCL: Co abo ta sobrepasa esaki y tene bo auto estima na halto?
EC: Mi a realisa cu tin un cierto peso/ figure no ta hacibo mas bunita of ta haci bo mas felis. Despues di a realisa esey mi a cuminsa wak mi mes diferente y asina siña stima y accepta mi mes. No tur dia ta mescos pero mi ta keda positivo!
10. XCL: Actualmente bo ta maneha marketing pa un compania estableci na Aruba pa hopi tempo, con e oportunidad aki a jega na bo?
EC: Mi a dicidi despues di ta un sales pa varios aña cu mi tabata kier mas den bida y mi tabata kier a traha riba mi carera. Mi a haya e oportunidad pa cuminsa na Boolchand’s y asina mi a desaroya mi mes den e compania.
11. XCL: Con abo ta mira oportunidad pa hende muher den ramo profesional, e ta facil/dificil?
EC: Mi ta di opinion cu nos a yega basta leu compara cu varios decada atras pero mi ta haya tambe cu ainda tin potencial pa e ser feminino wordo considera igual.
12. XCL: Bo ta kere cu muher exitoso por spanta un potencial pareha?
EC: No, paso mi ta kere e pareha corecto lo sa con pa aprecia y apoya un muher exitoso.
13. XCL: Bo ta soltera awendia, kico ta p’abo un pareha ideal?
EC: E pareha ideal lo ta/tin; inteligente, sense of humor, mester tin goals den su bida, dunami su apoyo, e mester tin wanderlust, y e mester por gusta historia. Mi ta actually ‘a nerd at heart’!.
14. XCL: Kico bo ta kere ta un conseho cu a yudabo den bo crecemento of cu lo bo lo kier a scucha mas?
EC: Mi mama semper a bisami tur mainta un dicho biblico “Bo no ta e rabo sino e cabes” locual ta nifica cu Dios a creabo pa ta un persona exitoso.
15. XCL: Cua conseho abo lo duna muhernan cu por identifica cubo ey for?
EC: Biba bida “One Day At A Time” tuma e cosnan manera cu nan bin, ‘breathe, take a step back and look at the bigger picture’ y semper tin e curashi pa tuma tur oportunidad cu ta bin bo dilanti.
Edad
32
Profesion
Marketing Manager The Boolchand Group
Role Model
E 3 muhernan fuerte cu a influencia mi bida; mi mama, mi tanta y mi prima.
Motto den bida
“I dind’t get there by wishing for it or hoping for it, but by working for it”
