El a cuminsa su carera cu SVB, Banco di Seguro Social Aruba, 13 aña pasa y loke Edwin Jacobs a logra cambia den e organisacion aki ta imposibel pa no tuma nota di dje. Durante añanan, Edwin a demostra cu e ta un lider cu vision, organisa y mas cu tur cos, cu curason pa e meta di su trabou inspirando su coleganan durante esaki. Y tabata precisamemte e pandemia di 2020 cu a pone mas luz riba e excelente trabou cu Edwin y su team a bin ta desplega desde su entrada na SVB. Ora cu hopi otro organisacionnan como tambe departamentonan tabata man na cabes con pa reorganisa nan mes pa adapta na requistonan necesario di nan trabou debi na e pandemia, SVB tabata cla y a sirbi di modelo pa nan tur, cu Edwin guiando esaki.
