Como Dokter y miembro di management team di “Salud y Trabao/ Arbeid en Gezondheid SVb, bayendo na e momento cu Aruba a keda ‘introduci’ na Covid, Myron ta corda e incertidumbre cu tabata domina tur caminda, incluyendo den su trabou. “Covid-19 tabata algo nobo y cada dia cu a pasa, nos tabata y ainda ta siña mas di dje. Pues nos mester a purba tuma tur cos ‘day by day’, pasobra locual tabata bon awe no necesariamente lo ta bon mañan. Mester a just traha na e mihor di nos abilidad.
Nos ekipo mester a prepara pa e masa grandi di asegurado cu lo tabatin mester di nos, y asina tambe, cambionan grandi a wordo realisa den e organisacion pa nos logra cumpli cu e comunidad. Hopi a puntra nan mes ta con prepara SVb tabata prome cu Covid, pasobra e rapides cu e organisacion aki a maneha y yuda otro departamentonan di gobierno durante Covid, tabata asombroso. “Nos tabatin e “suerte” cu ya prome cu Covid, SVb tabata druk bezig cu digitalisacion di hopi di nos servicionan y danki na esaki, nos por a traha na un manera hopi mas eficiente na momento cu Covid a yega. Covid a pusha nos mas ainda den e proceso aki di digitalisacion. Danki na esaki, SVb a logra cumpli un rol grandi y importante pa logra matene nos seguridad social pa tur cu mester di dje”. Dianan tabata mas largo cuminsando mas tempran y caba te anochi. Banda di esaki e telefon no tabata para di ring: hendenan tabata yama paso nan tabatin yen di pregunta y tabata kier un yudansa.
Por lesa mas di Myron su entrevista den nos edicion digital, tanto den Papiamento como na Ingles.
