Maya Nassar – Tuma Control

Ma nace na New York, mi tata ta Libanes y mi mama Hulandes. Mi a crece na Nigeria y bay basisscol na Inglatera prome cu ma bai Libano bek pa scol secundario y Universidad. Desde esey mi ta ‘kinan na Libano.

Mi style di bida tabata full contrario na uno saludabel. Nunca mi a pone un pia na gym y tabata come hopi junk food tur dia. Tambe mi tabata sufri di asma y mi tabatin dificultad pa hala rosea di djis subi trapi. Mi tabata bira mira malo tambe tur ora.

Despues di a subi hopi di peso y di ta hopi insigur, mi a lanta un dia y dicidi cu mi mester haci algo cu mi estilo di bida. Esey a bira mi prome stap pa cambia mi dieta y cuminsa bai gym. Mi a cuminsa busca online y investiga con pa train y kico pa come tur dia. Mi no tabatin niun idea di con pa ta saludabel.

E ta e deseo di no sinti bo mes mas insigur y di no ta den forma. Subi peso tur aña tras di otro tabata mi ‘wake up call’ cu mi tabata mester di haci algo cu mi estilo di bida. Despues di come saludable y bai gym, mi a perde peso di biaha y mi a ripara cu mi ta gusta e estilo di bida ki cual a bira mi motivacion principal pa sigui dilanti y desaroya mi pasion pa fitness.

E parti mas dificil definitivamente tabata e dieta. Mi tabata custumbra na come loke mi tabata gusta den cantidadnan grandi. Tabata dificil sali cu mi friendsnan y no come loke mas mi tabata gusta. Sinembargo despues di tempo mi a adapta y siña mantene mi mes na come tiki cada tanto ora y pa tin snacksnan saludabel memei di cada cuminda.

Mi ta lanta trempan mainta y come galiña hasa y avena mainta. Hopi hende ta haya straño cu mi ta come galiña mainta, pero mi ta sinti cu e ta yenami y e ta mi fuente favorito di proteina. Un par di ora despues, mi ta bai gym. Mi ta lanta peso 5 biaha pa siman y mi ta haci cardio 2 of 3 biaha. Mi sa haci 30 min di cardio despues cu mi cab’i lanta peso. Despues di esey mi ta bai pa mi dia, mi tin un snack chikito prome cu cuminda di merdia. Esaki por ta un batido di proteina. Cuminda di merdia semper ta pisca riba gril of galiña cu un porcion di carbohidratos intregal. Tambe mi tin un salada berde mix cu azeta di oleifi y awacati. Un snack di fruta of un man di nueznan prome cu cuminda di anochi y mi tin mesun tipo di cuminda pa anochi. Mi tin un dia pa ‘cheat’ den siman unda mi por come loke mi kier pero un biaha so.

Mi lo bisa mi lomba. Esaki ta paso e ta un musculo grandi y ta laga mi sinti mas fuerte ora mi cab’i train.

Probablemente mi pianan, paso e train nan ta asina intenso cu despues di baina mi por cana.

E ta nifica hopi. E ta algo hopi desafiante, pero e ta algo cu tambe mi ta hopi orgulloso di dje. E demostracionan aki no ta existi na mi pais y hopi hende ainda ta kere den stereotipo falso cu si un hende muher hisa peso, e lo yega na mustra masculino. Mi gusta promove culturismo femenino y mi ta spera di por trece e deporte aki algún dia na Libano.

Den categoría di bikini.

Porta gana e prome luga den mi di dos espectaculo di culturimos. E ta un desafio y e competencianan aki no ta existi den e Libano, esey kiermen cu mi mes mester a prepara.

Pa sinti fuerte y confía y pa inspira otro personanan pa cuminsa nan formacion.

E personanan su ta serca dimi ta apoya mi y nan ta hopi orguyoso dimi. Mi sa haya reacionan negativo di hendenan straño riba rednan social, pero mi no ta duna e personanan aki mucho importancia y mi ta djis concentra den e cosnan positivo.

Ainda e ta mal mira pa un hende muher cana riba stage den bikini, pero mi gusta kibra norma y stimula otronan pa wak esaki mane algo normal y profesional.

Mi lucha mas grandi ta keda semper cu mi dieet y e forma di bida saludabel. Semper tin e tentacion di come malo y skip gym, pero semper mi ta pensa con bon mi ta sinti mi cu un bida apto.