Detox, despues di temporada di fiesta y carnaval

Manera nos sa e resolucionnan di aña nobo no ta bira realidad si no te despues di carnaval pa hopi hende na Aruba, pesey e momento perfecto pa desintoxica bo curpa ta AWO!

Mi recomendacion den e casonan aki ta pa haci un detox pa haci bo curpa limpi di tur e toxina acumula durante e temporada di exceso y e consumo halto di alimentonan procesa, lacteos, alimentonan dushi den sucu y carbohidrato refina y alcohol; no solamente e toxina cu bo ta consumi di e alimentonan bo mester elimina si no tur esunnan cu bo ta expone bo mes di manera permanente door di uso di make up y productonan di limpiesa di bo cas cu ta contene paraben, sulfato, colornan sintetico, fragancia sientetico entre otro cu ta e causa cu e personanan ta sinti cansa, cu sobrepeso, inflama y cu problemanan pa drumi.

Pa haci bo curpa limpi di toxina no ta necesario wanta hamber durante e dianan cu e proceso ta dura, si no contrario ta necesario pa bo come suficiente bon y saludabel pa aporta na e curpa tur e nutrientenan y vitamina cu e curpa mester pa haci esaki un proceso exitoso.

Prome cos cu mester tene cuenta cune ora di haci un detox ta elimina varios gruponan di alimentonan cu mas alergia y sensibilidad ta causa, manera carni, alcohol, sucu, cafeina, gluten y lacteos. E alimentonan aki ta esunan mas comun pa e elimina ya cu esakinan ta relaciona den hopi caso cu reacionnan alergico inflamacion y desbalanse hormonal, kiermen eliminandonan durante un detox den e mayoria di e casonan e ta un bon comienso pa e proceso di e limpiesa di bo curpa. Di otro banda, ora bo elimina e alimentonan aki bo curpa ta habilita pa procesa otro alimentonan mas facil y convertirnan den un fuente limpi pa un energia duradero.

Un proceso di detox balancea ta inclui uso do smoothies y sumplementonan, den mi programa di detox mi ta recomenda mi clientenan reemplaza 1 of 2 cuminda di e dia pa batidonan di proteina especifico. E suplementonan ta inclui yerbanan cu ta asisti e limpiesa di e organo. Manera clhorella, milk thistle, Reishi, vitamina D, Glutathione, Magnesio, dependiendo di e caso di cada persona. Ta permiti pa come proteina magras, hopi berdura, snacks manera noot, humus y cantidadnan chikito di dark chocolate pa no haci e proceso hopi laaf.

• Haci ehercicio moderado manera cana bandi lama, yoga of baila.
• Bebe minimo 2lt di awa pa dia pa mantene bo curpa hidrata y stimula e limpiesa di bo riñonan cu tin mane funcion principal purifica sanger
• Sigura bo mes di come suficiente proteina, pa evita di sinti bo fatiga, debil y perde masa muscular.
• Ta importante pa tin movimiento intestinal diaramente ya cu e toxina si e no wordo elimina di tracto intestinal e ta keda circula den bo curpa y ta bolbe bek na bo higra.
• Meditacion diario pa desintoxica e interior y alcansa un ekilibrio mental y duna bo interior un oportunidad di reflexiona y ta mas den presente.
• Uso di sauna pa yuda elimina toxina door di e sodo