Den bida un persona ta pasa den varios momentonan clave cu ta marca nan pa semper. Esakinan por ta momentonan intimo of personal, pero tambe momentonan publico. Sin duda un bida publico ta trece cune hopi desafio, specialmente den un comunidad chikito. Pa Daphne Lejuez, e ultimo añanan a trece hopi momentonan clave. For di un persona priva, un comerciante, el a tuma e paso como presidente di KVK na unda ya caba el a bira un figura publico. Siguientemente el a bay un poco mas leu y a lansa su mes como politico. A base di esaki el a logra un asiento den parlamento como miembro di partido MEP.
