1. XCL: Con ta nos un poco di bo infancia, na unda bo a lanta y tambe cual scol bo a bai?
DM: Mi a nace na Aruba y a lanta na Sweelinckstraat den Oranjestad. Mi a atende Reina Beatrix School y despues ISA.
2. Con e influencia di bo infancia, di bo mayornan, e cas den cual ba lanta y e negoshi cu boso ta run a shape bo como persona?
DM: Sentido di moral, valor pa principio nan, respet y honestidad ta e educacion cu mi mayornan a dunami y a formami den un persona benevolente. Y mas cu claro door di nan dedicacion y amor tambe.
3. XCL: Kico bo a escohe como estudio y con e periodo aki a bai pabo como studiante?
DM: Mi ta un persona hopi atrai pa arte, y musica y a dicidi di studia Recording Engineering na Full Sail College Real World Education.
4. XCL: Cu cual edad of ki tempo bo interes pa fotografia a cuminsa?
DM: Como 8 aña pasa mi interes pa fotografia a cuminsa. Mi ta corda mi a cumpra un camara chikito y a bay vakantie cu un di mi primanan. Nos a bay Alaska cu crucero y tabata e momento eynan ora mi a wak e Bald Eagle (e aguila oficial di USA) cu mi a enamora di dje. Asina cu mi a bolbe bek Aruba mi a cuminsa sali bay Bubali Plas y a tuma nota di e beyezanan natural di flora y fauna cu Aruba tin di ofrece. Mi a desaroya un pasion pa naturalesa y sinti cu e ta hopi importante pa nos proteha nos naturaleza y birdlife.
5. XCL: Durante e periodo aki con bo a sigui develop bo pasion pa fotografia y ki ora bo a cuminsa ‘branch out’ mas den Nature Photography?
DM: Semper mi a gusta color. Y esaki ta locual ta resalta den mi fotografianan. Por ehempel, Aruba su sunsets ta unico. E mescla di e colornan diferente ta atraemi, mescos cu e parhanan tan colorido y diferente. Esaki a hibami na sali tur dia pa crea arte di nos naturalesa.
6. XCL: Un fotografo mester keda ‘up to date’ riba su materia. Con abo ta ‘refresh’ bo conocemento di fotografia?
DM: Normalmente mi ta viaha pa Merca tuma cursonan y work-shop di expertonan di fotografia reconoci. Tambe mi ta join photo tours y conferencianan internacional di fotografia.
7. XCL: Bo mester a volg cursonan special of cumpra special equipment pa saca potret den naturalesa?
DM: Sigur cu si. Pa por saka potret di naturalesa normalmente mester lensnan special. Un di e motibonan ta pa bo por keda c’un distancia di e parha of otro animal pa no stress nan out. Asina nan por funciona natural den nan habitat y por saca bon potret.
8. XCL: Kico ta e mas extremo cu bo mester a haci pa haya e perfect picture den naturalesa?
DM: Recientemente na Risaralda, Colombia. Nos a subi sero di 3000m pa por yega na e blenchi rabo largo, (Long Tailed Sylph). Mi ta gran aficionado di tur e especienan di blenchi rond mundo. E tabata un experiencia hopi extremo y onverwacht, pero mi a logra mi meta.
9. XCL: Con bo a haya e chens pa bo fotografianan keda uza pa National Geographic, considera como e ‘holy grail’ pa locual ta trata fotografia y tambe nature coverage y con e experiencia tabata cu nan?.
DM: Tabata pa casualidad. Mi a drenta nan concurso manera tur hende por mundialmente y nan a kies mi pics como e ‘editors favorites’ y asina nan a usa mi potret como nan cover principal pa nan contest riba nationalgeographic.com. P’ami como fotografo di naturalesa, ta un honor cu 3 di mi potretnan a wordo reconoci mundialmente como e Editor’s Favorites di National Geographic Photo Contest . Mi potretnan a aparece riba tur social media di diferente instancianan internacional tur e especienan di blenchi rond mundo. E tabata un experiencia hopi extremo y onverwacht, pero mi a logra mi meta.
10. XCL: Con bo ta scohe e parha of unda abo ta bay saca bo potretnan?
DM: Mi ta scohe e parha cu tin color mayoria di biaha. Sea Birds of Prey ta locual ta atraemi. Despues mi tin mi grupo di fotografonan y bird experts aki na Aruba serca kendenan mi por acudi y nan por yudami localisa e parha specifico cu mi ta buscando. Tambe mayoria di biaha mi ta subi online y research. Ta importante pa sa unda e specifico parha ta biba y kiko nan ta come etc.
11. XCL: Bo ta bastante activo riba tereno di concientisacion y tambe ‘advocacy’ pa Birdlife Conservation aki na Aruba. Conta nos un tiki di tur locual bo ta involved cune, ki progreso boso a mira te cu awor y kico ta e pasonan mas critico cu bo lo kier mira tuma lugar a corto plazo?
DM: Mi ta mirando un progreso grandi despues di hopi aña cu e fundacion cu a lucha. Awe mi ta orguyoso di por bisa cu e proceso pa purba protehe nos 16 areanan di naturalesa na Aruba ta birando realidad. Y tambe un di nos unico 2 parhanan endemico, e Prikichi, a wordo nacionalisa como e parha oficial di Aruba. Mi ta spera cu nos como comunidad cuminsa uni pa protehe locual ta di nos, specialmente e especienan aki cu ta den peliger grandi di extincion.
12. XCL: Kico ta haci un bon fotografo, den bo opinion?
DM: Dedicacion y perserverancia ta e dos palabranan cu mi lo usa pa describi mi profesion ora ta trata di un bon fotografo di naturalesa. Por ehempel, no ta tur dia bo lo topa e fauna den un bon angulo of luz. Fotografia di naturalesa ta hopi ‘challenging’ pa motibo cu tur cos ta pasa den real time y natural. Luz ta natural y e parha/fauna no ta bay pose pa bo saca su potret.
13. XC: Photography ta un hobby basta costoso pa locual ta trata equipment, con hopi bo ta investeer den equipment nobo y con regularmente?
DM: Mi a investeer hopi den e ultimo añanan aki. Tur momento tin algo nobo cu bo mester, of lens nobo, teleconverters, memory cards, tripod, etc. Cada 6 luna mi ta purba actualisa den equipo.
14. XCL: Lo yega un momento cu nos por cumpra un compilacion di bo fotografianan y con leu bo ta desea di yega cu e hobby aki?
DM: Claro cu si. Mi a keda aserca caba pa diferente companianan y clientenan cu ta hopi interesa den mi fotografia. Tambe mi tin varios viahe mas pendiente e aña ‘ki (e.o. Africa, Alaska, Costa Rica, Canada) y plannan pa tene mi exhibicion pronto pa por comparti locual mi a experiencia y a logra documenta di nos mundo di naturalesa y wildlife.
15. XCL: Tin un parha exotico riba bo wishlist cu bo kier saca ainda?
DM: E bestia exotico cu mi lo kier fotografia un dia ta e Harpy Eagle. E range di e harpy eagle ta extende di mexico te cu brazil. E motibo cu mi lo kier fotografia e Harpy Eagle ta pa motibo cu e ta e aguila mas grandi di e Americas. Un ‘very powerful looking bird’.
