Un otro evento exitoso cu e stempel di Rage ta e forma cu por conclui e evento teni dia 29 di November 2016, na su bunita tienda den Palm Beach Plaza Mall. Enfoke di e evento aki tabata rond di e marca mundialmente conoci y gusta na Aruba Uno de 50, kende ta celebrando su 20 aña di existencia. Pa e celebracion aki, a recrea e 20 piezanan di mas gusta cual a keda presenta tambe hunto cu otro diseñonan di nan coleccion na tur esanan presente.
Un trunkshow exitoso esaki a bira unda invitadonan fiel di Rage a haci acto di presencia, p’asina entre bon ambiente y combersacion, escohe nan pieza di Uno de 50 pa nan mesun coleccion. Propietarionan Marny y Cedric Wever hunto cu nan staff a tene tur hende ocupa durante e velada, cual a conta cu caranan conoci di nos comunidad.
