Inflamacion cronico ta tuma lugar ora cu bo sistema inmune ta keda “on”. Manera resultado, esaki ta desprende constatemente un sinfin di kimico cu ta daña y haci malo e celulanan. Estudionan reciente ta demostra cu e inflamacion cronico ta relaciona directamente cu e enfermedadnan moderno, incluyendo curason y obesidad, den adicion e inflamacion cronico por laga bo sinti cansa y desmotiva.
Algun sintomanan mas comun di inflamacion cronico ta:
- Acumulacion y exceso di vet den e zona abdominal
- Nivelnan eleva di glucose den sanger
- Problemanan digestivo manera gas, diarea, inflamacion of constipacion
- Cansancio durante full e dia
- Problemanan di piel manera, eczema, psoriasis
- Alergia
- Cara inflama, ojeras y wowonan inflama
- Depresion, ansiedad of problemanan di memoria
Ya nos sa cu salud ta un proceso diario y nos mester implementa un style di bida basa na bo bienestar, pesey kinan nos ta pone un lista di recomendacion pa mehora bo salud y bisa ayo na inflamacion:
- Desayuna cu un green smoothie, vitaminanan A, D, E y K2 ta importante ya cu nan ta baha e nivelnan di proteina proinflamatoria CRP
- Come di manera consciente, sinta na mesa, saboria bo alimentonan y no tin distraccionan externa
- Evita sucu, ya cu nos sa cu sucu ta un di peor alimentonan ya cu esaki ta activa e produccion di cytokines
- Incorpora especias antinflamatoria den bo alimentacion manera jinger
- Come mas berdura rico den sulfuro, manera coliflor,broccoli y sprouts
Johanna Stroo Health Coach American Association of Drugless Practitioners member Plant based nutrition certi ed Bogoroei 24B Unit 3, Noord Cel: 297-7384682 / [email protected]
