Canwoods Mom – 2 yiu lanta exitosamente den un famia kibra c’un mama trahador

Doris: Nos mama cu tata a divorcia ora nos tabata na un edad hopi jong y tabata na mi mama y mi defunto wela pa cria nos.

Lilian: Tabata temponan hopi duro, como cu mi tata a coy su caminda bay sin nunca wak bek patras pa yiunan cu el a laga atras den ningun sentido. Nos a bai biba na mi wela, mi welo tabatin problema cu alcohol y mi tabata tin un omo adicto. Dus e situashon tabata hopi duro..

Doris: Mi no ta corda e divorcio. Mi ta corda dia cu el a bisa cu e ta bai Hulanda cu su famia nobo. Ami a tuma e desicion sin mucho problema ya mi a custumbra cu e no tabata den nos bida y mi wela cu welo a tuma gran parti di e parti di yuda lantanos cu nos mama riba nan schouder. Dus falta di calor di famia of hogar no tabatin.

Lilian: Pa bisabo berdad no, como cu ami tabata mas chikito, pero toch mi tabata sinti cu algo no tabata 100% pasobra hopi cos a cambia p.e. nos a laga nos cas na Dakota pa bai biba na mi wela na Sero Patrishi y mi mama tabata traha dos trabou pa por a cria nos. Dus, dado momento mi tabata mas den contacto cu mi wela cu mi tabata den contacto cu mi mama.

Doris: Mi mama semper a traha duro pa duna nos loke tabatin mester. Apesar cu no tabata tin mucho y porta e mester a traha extra, semper mi scol y mi bukinan tabata paga y tabatin paña limpi pa bai scol.

Lilian: E tabata traha dos trabou y tur ora e tabata hopi cansa pero asina mes tur dia e tabata lanta y bolbe bai trabou sin keha. Mi ta kere e tabatin e suerte di tin su mama/tata y mi tanta Greta cu e yude cu nos.

Doris: Morto di mi wela cu tabata un di mi role model y sosten di mas grandi. For di chikito e cu mi mama a stimulanos pa bai scol y saca mas probecho cu ta posibel di un bon educashon.

Lilian: P’ami tabata e temporada di basis, pasobra temporada di vaderdag bo ta traha yen di cos den klas pa hiba cas pa bo tata, pero ami no tabatin un tata pa mi hibe p’e. Mi tabata hiba loke mi traha pa mi welo pero e no ta mescos. Mi corda tambe con mi a yega di worde tenta na scol basico pasobra mi no tabatin un tata.

Doris: Logra e metanan cu mi a pone mi dilanti. Mi a caba mi estudio, mi a haya un trabou y mi ta un muher independiente manera cu semper mi mama y wela a inculca den mi.

Lilian: Logra di ta awe para independiente riba mi mes pia c’un bon trabou, tin mi cas propio, sin nunca haya den ningun problema cu husticia. Demostrando asina cu no ta berdad e mito cu ‘muchanan di famia kibra ta bai malo den bida y ta bira problema pa sociedad’ Mi ta kere ami cumi ruman ta un bon ehempel cu esey no ta berdad.

Doris: E drive di mehora bo mes. Paso nos sa cu si nos no haci e trabou, ningun hende no ta hacie p’abo. No sinta warda riba e prins riba cabay blanco.

Lilian: F’oi mi mama y mi wela, tur dos tabata muhernan fuerte cu a lucha hopi pa bay dilanti cu nan famia y nunca a ‘give up’ riba ningun di nan yiunan.

Doris: Hopi bon. Nan tabata banda dimi pa cada un di mi logronan y mi ta kere cu cada meta realisa nan tabata biba cumi manera cu ta nan mes a realise.

Lilian: Cu cada logro nos tabata haci nan hopi orguyoso y nan a mira cu nan lucha no tabata envano.

Doris: Mi ta corda e emoshon dia mi a huramenta como abogado unda cu mi tabatin mi mama, wela y bisawela banda dimi pa celebra. Tabata un momento di hopi emoshon di wak e 3 generashon di muhernan cu a traha duro pa hiba nan famia dilanti y di realisa mi mes cu si no ta pa e trabou di e generashonnan cu a bai mi dilanti, ami kizas lo no a logra na realisa mi mesun metanan.

Lilian: Mi no por splicabo den palabra, e ta hopi emoshon y hopi gana pa sigui pa bai mas leuw paso tanto ami y mi ruman tin un carera cu nos por sigui crece dus ainda tin mas pa logra. Den bida personal mi ta kere mi a cumpli mi meta di ta un mama ehemplar pa mi yiu homber.

Doris: Traha duru. Trabou no ta mata hende y ningun trabou digno mester dunabo berguensa. Tambe cu educashon ta importante den bida.

Lilian: Ni maske cuanto sla bida dunabo, semper sigui pa dilanti.

Doris: Si mi wak cuanto cos nan ta lanta cune y toch ainda nan ta struggle pa fiha nan meta ta ponemi pensa berdad si tin tur cos tin biaha no ta un desventaha. Semper mi ta keda sorprendi di tende den mi practica ta cuanto hende no ta sinti e necesidad di esforsa nan mes paso nan ta asumi cu ora mama of papa muri, nan ta laga herencia pa nan. Esey no ta e manera cu nos a wordo lanta.

Lilian: Sigur cu si. Awendia muchanan ta kere cu como mayor bo debenan tur cos y no t’asina, mi pensamento ta cu nan mes tin di sali y bringa pa nan metanan esey ta hacinan aprecia nan logronan hopi mas.

Doris: Bo por haci algo positivo of algo negativo cu esey. Mi a kies pa no perde energia den loke mi no tin y hinca energia positivo den loke mi por logra. Riba dje, semper mi a respeta mi mama pa escohe di no keda den un relashon cu no tabata bon y cana bay y lanta su yuinan riba su mes. Esey ta haci cu mi a lanta cu e pensamento cu si e por a sali di un situashon cu no ta positivo cu 2 yui chikito pa cria, ami no mester sinta keha ora cosnan ta bayendo menos bon.

Lilian: Sigur cu si, paso semper nos tabatin e pensamento cu nos t’ey haci nos mama y wela orguyoso di nos y cu nan lucha no tabata pornada.

Doris: Nada. Di tur cos ma siña.

Lilian: Lo mi tabata mas bon mucha, paso mi tabata un bon pida.

Doris: Dama trahado y balente…

Lilian: Cu den con duro cu su dia tabata semper el a keda duna nos e amor, atencion y hamas e no a papia nada malo di nos tata. Tur cos cu nos sa, sea nos a tende for di otro hende. El a gewoon pone su mente set na o.k. It’s over y awo e ta sigui p’adilanti cu su yuinan.