Un compania robotico Hapones a desaroya un smart face mask cu ta amplifica voz, transcribi dictacion y traduci speech den 8 diferente lenguahe y esaki lo ta disponibel pa cumpra September proximo.
E C-mask aki a wordo diseña door di e tech start-up Hapones Donut Robotics pa yuda drecha communicacion entre trahadornan di aerolineanan y tambe trahadornan di supermercado durante e pandemia di COVID-19.
E face mask aki, cual ta connecta via di Bluetooth cu e usuario su telefon cellular tin capacidad pa traduci e idioma Hapones den e idiomanan Chines, Koreano, Vietnames, Indones, Ingles, Spaño y Franses.
E compania originalmente a desaroya e technologia aki pa nan mesun robot pa asisti viaheronan internacional. Como cu mayoria di Hapon su aeropuertonan mester a sera ora cu e COVID-19 virus a plama, nan a aplica e software aki na face masks pa trahadornan riba tereno industrial y den cuido medico por comunica mas cla mientras nan cara ta tapa of nan ta para tras di glasnan protector.
