Como coach holistico di nutricion, dos caracteristica comun cu mi ta haya den mi clientenan: ansiedad y consumo di cafeina.
Esaki no kiermen cu consumo di cafeina ta condena, ya cu esaki tin hopi beneficio pa bo salud, pero den casonan particular manera den personanan cu ta sufri di ansiedad, atake di panico, OCD, insomnio of deprecion si ta recomendabel pa stop e consumo ya cu tin hopi probabilidad cu e cafeina ta hugando un rol den e presencia di e sintomanan di e condicionan aki.
Dicon cafeina ta hunga un rol den e problemanan di humor y problemanan pa drumi?
Cafeina ta promove e liberacion di cortisol (hormona di stress), onbezt un contestacion di stress den e curpa. Pa un par di persona ta sinonimo di ansiedad y atakenan di panico y por contribui na otro estadonan di animo no agradabel manera cambionan di humor repentino y severo.
Den terminonan di insomnio, semper mi ta tende e mesun pregunta, con un copi di coffe mainta por afecta mi soño anochi. E contesta pa esaki ta cu mayoria personanan ta subestima e tempo cu e cafeina ta tarda den wordo metaboliza den e curpa. Esaki ta tuma mas o menos 6 ora pa nos curpa metaboliza e prome mitad di e cafeina y otro 6 ora pa metaboliza e otro mitad.
Dicon cafeina ta afecta e estado di ansiedad?
Si bo ta un persona cu ta sufri di ansiedad, fobia of atakenan di panico, bebe cafeina ta haci cu nos sistema nervioso ta alerta full e tempo. Si na esaki nos agrega stressnan externo manera trabou, responsabilidad cu famia, etc por presenta sintomanan manera agitacion, sodo den bo man, garganta seco y bo ta sinti un discomfort generaliza den e curpa. Den otro casonan hopi persona no ta presenta niun sintoma, pero nan mente ta keda atrapa den spiral cu no ta permiti nan curpa combati e stress externo cu ta mantene e sistema den un estado di alerta.
Mi recomendacion ta haci e reto di cafeina:
Baha e consumo di cafeina ta un mihor idea pa haci e cambio radical di consumi cantidadnan halto pa nada, ya cu e por causa sintomanan di abstinencia hopi severo manera dolor di cabes, mal humor entre otro. E manera ideal ta pa enbes di bebe 3 copi pa dia bebe 1, despues di e transicion di thee normal pa green thee. Despues di un siman sin cafeina haci bo mes e siguiente preguntanan: con e nivel di bo ansiedad ta?, bo tabatin atake di panico?, con bo humor ta?, con e patron di soño ta?, di eynan analisa tur e contesta nan y bo lo wak e relacion cu ta existi entre bo sintomanan y cafeina.
Johanna Stroo Health Coach American Association of Drugless Practitioners member Plant based nutrition certi ed Bogoroei 24B Unit 3, Noord Cel: 297-7384682 / [email protected]
