Awe lo scucha e plan nobo di Aruba Tourism Authority riba e seyo di limpieza cu lo bira un realidad na vispera di apertura di frontera di Aruba bek pa turistanan. E certificacion aki, cual ya caba a anuncia algun siman atras di lo a cuminsa traha riba dje, ta consisti di un serie di “check-list” y standard riba diferente areanan manera acomodacion, “food & beverage”, diferente aspectonan den comercio manera di “retail”, proveedor di actividadnan, taxi y transporte.
Obhetivo di e seyo aki ta c’un standard uniforme y control riba higiena y limpieza den e diferente sectornan di nos turismo, por brinda tur nos bishitantenan e sensacion di seguridad y confiansa busca sigur mas awor den e temporada aki na momento di scohe pa un destinacion pa nan viahe.
E sistema lo ta mara na cumplimento di protocolnan pa cual lo otorga un seyo di higiena y limpieza y cu lo eleva Aruba su aspecto di higiena sigui y aplica segun consehonan di World Health Organization (WHO). Otro destinacionnan tambe a cuminsa aplica tipo di protocolnan manera esaki, cu e mesun fin dirigi na e futuro y potencial bishitantenan.
