E noticia a core desde ayera cu Aruba ta honra c’un otro yiu di tera den liga grandi di baseball Mericano. E hoben Chadwick Tromp ta keda agrega na historia deportivo di Aruba como e di 7 pelotero Arubiano cu e logro bunita aki. Prome cune tabatin Eugene Kingsale, Calvin Maduro, Sidney Ponson, Rhadimis Dijkhoff, Shawn Zarraga y ultimo Xander Bogaerts.
E anochi di 28 di juli prome cu e wega di apertura contra ‘The Padres’, e team di Giants a sortea nan rotacion agregando Chadwick Tromp na nan rooster di 30 hungador.
Chadwick tabata e ultimo edicion di e equipo di The Giants durante e summer camp, unda hopi liher el a resalta despues di tres homerun na Oracle Park. Tromp ta uni na Xander Bogaerts di Red Sox’s como e dos unico hungadonan actual di baseball den Major League di Aruba. Pabien na Chadwick, famia y Aruba completo.
